आयपीएलच्या १६ व्या हंगामाला आजपासून सुरुवात; गुजरात-चेन्नई येणार आमने-सामने

अहमदाबाद, ३१ मार्च २०२३: नवे चॅम्पियन्स आणि भविष्यातील स्टार्स एका बाजूला, तर दुसरीकडे विजयी मशीन आणि अनुभवी संघ. जुन्या शैलीत परतणाऱ्या आयपीएलचा नवा हंगाम सुरू करण्यासाठी यापेक्षा चांगला सामना कोणता असू शकतो. नवीन आणि जुन्याचा संघर्ष (अनुभवाच्या दृष्टीने). आयपिएल २०२३ चा हंगाम आज शुक्रवार ३१ मार्चपासून सुरू होत आहे. पहिल्याच सामन्यात गतविजेता आणि हार्दिक पांड्या यांच्या नेतृत्वाखाली गुजरात टायटन्स आहे. त्यांच्यासमोर चार वेळचा विजेता चेन्नई सुपर किंग्ज आहे , ज्याची कमान महान कर्णधार एमएस धोनीच्या हातात आहे.

आयपीएलच्या नव्या मोसमाची सुरुवात विशेष आहे, ती महत्त्वाचीही आहे कारण गुजरात टायटन्स पहिल्यांदाच त्यांच्या घरच्या मैदानावर चॅम्पियन म्हणून खेळणार आहे. अहमदाबादच्या नरेंद्र मोदी स्टेडियमवर शेवटचा सीझन संपला आणि या मैदानावर नवा सीझनही सुरू होत आहे. टी२० लीगचा उत्सव देखील जगातील सर्वात मोठ्या क्रिकेट स्टेडियममध्ये एका जबरदस्त उद्घाटन समारंभाने सुरू होईल, ज्यामध्ये अनेक बॉलिवूड स्टार्स सहभागी होणार आहेत.

दोन्ही संघांना विजयाने सुरुवात करायची आहे. गेल्या मोसमातील चेन्नईचा प्रवास अत्यंत निराशाजनक होता आणि संघाने १४ पैकी केवळ चार सामने जिंकले होते , तर गुजरातने १४ पैकी १० सामने जिंकले होते . गेल्या वेळी दोन्ही संघांमध्ये २ सामने झाले होते. गुजरातने दोन्ही सामने जिंकले. चेन्नई सुपर किंग्जने गेल्या वर्षी डिसेंबरमध्ये झालेल्या लिलावात बेन स्टोक्सला १६.२५ कोटी रुपये खर्चून विकत घेतले होते, तर या संघाने किवी खेळाडू काईल जेमिसनवरही एक कोटी रुपये खर्च केले होते. गुजरात टायटन्सनेही या लिलावात काही खेळाडूंवर बराच पैसा खर्च केला. त्याने केन विल्यमसनला दोन कोटींच्या मूळ किमतीत खरेदी केले. याशिवाय शिवम मावीवर सहा कोटी रुपये खर्च केले. नव्या खेळाडूंच्या आगमनाने संघाच्या प्लेइंग इलेव्हनमध्येही बदल पाहायला मिळतील.

गुजरात टायटन्स बेस्ट प्लेइंग इलेव्हन: शुभमन गिल, मॅथ्यू वेड, अभिनव मनोहर, हार्दिक पांड्या, डेव्हिड मिलर, राहुल तेवतिया, रशीद खान, शिवम मावी, आर साई किशोर, अल्झारी जोसेफ, यश दयाल.

चेन्नई सुपर किंग्जची सर्वोत्कृष्ट इलेव्हन: ऋतुराज गायकवाड, डेव्हॉन कॉनवे, मोईन अली, अंबाती रायडू, बेन स्टोक्स, रवींद्र जडेजा, एमएस धोनी, शिवम दुबे, दीपक चहर, सिमरजीत सिंग आणि महिश तेक्षाना.

‘न्यूज अनकट’ प्रतिनिधी : सूरज गायकवाड