कोरोनाच्या पार्श्वभूमीवर सासवड मध्ये दरवर्षी होणारे अत्रे साहित्य संम्मेलन रद्द

पुरंदर, दि. २० जुलै २०२०: पुरंदर तालुक्यातील ससावडचे सुपुत्र असलेल्या आचार्य अत्रे यांच्या नावाने सासवड येथे दरवर्षी होणारे अत्रे मराठी साहित्य संमेलन यंदा कोरोनामुळे रद्द करण्यात आले आहे. आचार्य अत्रे विकास प्रतिष्ठान व साहित्य परिषद शाखा सासवड यांच्या संयुक्त बैठकीत याबाबत निर्णय घेण्यात आला. मात्र, जन्मदिनानिमित्त पिंपळे येथील न्यू इंग्लिश स्कुलला आचार्य अत्रे यांचे नाव देण्याचा कार्यक्रम होईल. अशी माहिती प्रतिष्ठानचे अध्यक्ष विजय कोलते यांनी दिली.

येत्या १३ ऑगस्ट रोजी प्रतिष्ठानच्या कलादालनात आचार्य अत्रे यांच्या पुतळ्यास पुष्पहार अर्पण करण्यात येईल. तसेच प्रतिष्ठानच्या पिंपळे येथील न्यू इंग्लिश स्कुल या माध्यमिक विद्यालयाचे नामकरण ‘आचार्य प्रल्हाद केशव अत्रे विद्यालय पिपळे’ असे करण्याचा समारंभ. जन्मदिनी १३ ऑगस्टला मोजक्या लोकांचे उपस्थितीत पिंपळ्यात होईल. यावेळी शासनाचे नियम पाळले जातील, असे कोलते यांनी म्हणाले.

आचार्य अत्रे विकास प्रतिष्ठान व साहित्य परिषद शाखा सासवड यांच्या संयुक्त बैठकीत याबाबत निर्णय घेण्यात आला. सन १९९१ साली ग्रामस्थांच्या मागणीवरून तत्कालीन मुख्यमंत्री शरद पवार  यांनी पिपळे येथे हे अनुदानित माध्यमिक विद्यालय सुरु करण्यास मान्यता दिली होती. आज सर्व सोयींयुक्त असे विद्यालय सुरु आहे. या विद्यालयास आचार्य अत्रेंचे नाव देण्याचे भाग्य आम्हाला लाभले आहे याचा आनंद आहे; असे कोलते म्हणाले. बैठकीस साहित्य परिषदेचे सासवड शाखेचे अध्यक्ष अॅड. प्रकाश  खाडे, कार्याध्यक्ष खाजाभाई  बागवान, सदस्य रवींद्र पोमण, कला फडतरे, संस्थेच्या विश्वस्त शशिकला कोलते, सचिव शांताराम पोमण, सहसचिव हनुमंत चाचर, शिवाजी घोगरे आदी उपस्थित होते.

न्यूज अनकट प्रतिनिधी: राहुल शिंदे