या चिनी कंपनीने भारतात दोन सिरीजच्या स्मार्टफोनची विक्री करुन कमावले ३,३०० कोटी रुपये

नवी दिल्ली, १२ जून २०२१: चिनी स्मार्टफोन निर्माता कंपन्या भारतात भरभराटीला आल्या आहेत. झिओमी हे त्याचे उदाहरण आहे. कंपनीने दावा केला आहे की कंपनीने केवळ एक स्मार्टफोन सिरीज विकून ३,००० कोटी रुपये कमावले आहेत.

शाओमीचा असा दावा आहे की रेडमी नोट १० सिरीजची २० लाख युनिट्स भारतात विकली गेली आहेत. हे लक्षात घेण्यासारखे आहे की कंपनीने नुकतीच मार्च महिन्यात भारतात रेडमी नोट १० सिरीज सुरू केली होती.

रेडमी नोट १० सिरीज मध्ये, रेडमी नोट १०, रेडमी नोट १० प्रो आणि रेडमी नोट १० प्रो मॅक्स लॉन्च करण्यात आले. नंतर कंपनीने रेडमी नोट १० एस देखील बाजारात आणले आहे.

भारतीय बाजारपेठेत चिनी स्मार्टफोन कंपन्यांचा दबदबा आहे. शाओमीबद्दल बोलायचे झाले तर २०२१ च्या पहिल्या तिमाहीत कंपनीच्या भारतीय स्मार्टफोन बाजारात २६% हिस्सा आहे. रेडमी नोट १० व्यतिरिक्त कंपनीने असे म्हटले आहे की एमआय ११ सिरीजची विक्रीही सांगली राहिली आहे.

शाओमीने असा दावा केला आहे की एमआय ११ सिरीजची दोन मॉडेल विकून कंपनीने ३०० कोटींची कमाई केली आहे. कंपनीने २३ एप्रिल रोजी एमआय ११ सिरीज सुरू केली. म्हणजेच कंपनीने केवळ ४५ दिवसांत ३०० कोटींची कमाई केली आहे.

एमआय ११ अंतर्गत भारतात मी ११ अल्ट्रा देखील लॉन्च करण्यात आला होता. त्याची किंमत ७० हजार रुपये ठेवली गेली. ग्राहकांकडून मिळालेला चांगला प्रतिसाद न मिळाल्यामुळे भारतात कदाचित त्याची विक्री पुढे ढकलण्यात आली आहे.

शाओओओमीने आपल्या अधिकृत निवेदनात म्हटले आहे की, मी ११ अल्ट्रा अद्याप भारतात विकला जाणार नाही. परंतु विक्री कधीपासून सुरू होईल याबद्दल कंपनीने काही सांगितले नाही.

न्यूज अनकट प्रतिनिधी: ईश्वर वाघमारे