ससूनच्या आवश्यक सोयीसुविधांचा विभागीय आयुक्तांनी घेतला आढावा

पुणे, दि.२९ एप्रिल २०२०: कोरोना विषाणूच्या पार्श्वभूमीवर विभागीय आयुक्त डॉ. दीपक म्हैसेकर यांच्या अध्यक्षतेखाली विभागीय आयुक्त कार्यालयात ससून रुग्णालयाच्या विविध विभाग प्रमुखांकडून ससून रुग्णालयात उपलब्ध व आवश्यक सोयीसुविधांचा आढावा घेण्यात आला.

यावेळी जिल्हाधिकारी नवल किशोर राम, बी. जे. वैद्यकीय महाविद्यालयाचे प्र.अधिष्ठाता डॉ. मुरलीधर तांबे, वैद्यकीय अधिक्षक डॉ.अजय तावरे, भूमि अभिलेख विभागाचे जिल्हा अधिक्षक तथा समन्वय अधिकारी राजेंद्र गोळे आदी उपस्थित होते.

ससून रुग्णालयात आवश्यक ती पदे भरण्याबाबत कार्यवाही सुरू करा, अशा सूचना देत डॉ.म्हैसेकर यांनी केल्या आहेत. कोरोनाचा प्रादुर्भाव दिवसेंदिवस वाढत आहे. रुग्णांवर वेळेत आणि योग्य प्रकारे उपचार होण्यासाठी सुक्ष्म नियोजन करुन त्यानुसार अंमलबजावणी करावी. ससून रुग्णालयात येणाऱ्या प्रत्येक व्यक्तीने मास्क वापरणे आवश्यक आहे. कोरोना विषाणूच्या अनुषंगाने माहितीचे संकलन अद्ययावत ठेवण्याच्या सूचना देत रुग्णाला कोविडबाबत समूपदेशन महत्त्वाचे असल्याचे सांगून आवश्यक त्या सर्व सोयीसुविधा व साहित्य तातडीने उपलब्ध करून देण्यात येईल. असे त्यांनी सांगितले.

न्युज अनकट प्रतिनिधी: प्रशांत श्रीमंदिलकर