राणीच्या अंत्यसंस्काराला आजपासून सुरुवात, सर चर्चिल यांना १९६५ मध्ये मिळाला होता अखेरचा हा सन्मान

लंडन, ११ सप्टेंबर २०२२: आजपासून राणीच्या शेवटच्या प्रवासाला सुरुवात होणार आहे. सोमवारी १९ सप्टेंबर रोजी त्यांच्यावर अंत्यसंस्कार होणार आहेत. राणीची शवपेटी बालमोरल ते एडिनबर्ग येथे नेली जाईल. हा प्रवास साधेपणाने सुरू होईल. परंतु चार दिवसांनंतर, लंडनमधील वेस्टमिन्स्टर अॅबे येथे भव्य शासकीय अंत्यसंस्कारात त्याची समाप्ती होईल. सर विन्स्टन चर्चिल यांच्यावर शेवटच्या वेळी ब्रिटनमध्ये १९६५ मध्ये अंत्यसंस्कार करण्यात आले होते.

राणीची शवपेटी एडिनबरा येथील सेंट गिल्स चर्चमध्ये ठेवण्यात येणार आहे. येथे सर्वसामान्य नागरिक त्यांना श्रद्धांजली अर्पण करू शकतील. यानंतर लोक लंडनमधील वेस्टमिन्स्टर हॉलमध्ये पूर्ण चार दिवस त्यांना श्रद्धांजली वाहतील.

राजा चार्ल्सही या काळात अनेक कार्यक्रमांमध्ये असतील. स्कॉटलंडमध्ये आपल्या आईच्या शोक दौर्‍याला उपस्थित राहण्याव्यतिरिक्त, ते उत्तर आयर्लंड आणि वेल्समधील राजकीय आणि नागरी नेत्यांनाही भेट देतील.

प्रिन्स चार्ल्स तिसरा शनिवारी अधिकृतपणे ब्रिटनचे नवीन सम्राट बनले. सेंट जेम्स पॅलेस येथे प्रिव्ही कौन्सिलच्या बैठकीत ही घोषणा करण्यात आली. आता त्यांना राजा चार्ल्स-III म्हणून संबोधले जाईल. चार्ल्सला त्यांच्या वडिलांचे ड्यूक ऑफ कॉर्नवॉल ही पदवी मिळाली. अशा स्थितीत त्यांची पत्नी कॅमिला हिला आता डचेस ऑफ कॉर्नवॉल म्हटले जाईल.

प्रिव्ही कौन्सिलमध्ये ज्येष्ठ संसद सदस्य, वरिष्ठ नागरी सेवक, राष्ट्रकुल उच्चायुक्त आणि लंडनचे लॉर्ड महापौर यांचा समावेश होतो. साधारणत: ७०० हून अधिक लोक या कार्यक्रमाला हजेरी लावतात, परंतु यावेळी कार्यक्रम अल्पसूचनेवर आयोजित केल्यामुळे इतक्या संख्येला वाव नव्हता. यावेळी यूकेचे विद्यमान आणि माजी नेते कार्यक्रमात सहभागी झाले होते. त्यात ६ माजी पंतप्रधानही होते.

न्यूज अनकट प्रतिनिधी: ईश्वर वाघमारे