काबूल, २४ ऑगस्ट २०२१: तालिबानने अफगाणिस्तान ताब्यात घेतल्यानंतर तेथून लोकांना बाहेर काढण्याचे काम सातत्याने सुरू आहे. अमेरिका आणि अन्य नाटो देशांच्या सैन्याने अफगाणिस्तान जवळजवळ सोडले आहे, परंतु बचाव मोहिमेमुळे या देशांचे सैनिक मोठ्या संख्येने काबूल विमानतळावर उपस्थित आहेत. दरम्यान, आता तालिबानने अमेरिकेला खुली धमकी दिली आहे.
तालिबानचे प्रवक्ते सोहेल शाहीन यांनी सोमवारी कतारमध्ये एक वक्तव्य केले की, जर अमेरिकेने आपले सैन्य मागे घेण्यास विलंब केला तर त्याचे परिणाम भोगावे लागतील. तालिबानने अंतिम मुदत फक्त ३१ ऑगस्ट पर्यंत जाहीर केली आहे.
जाहिरात
तालिबानची ही धमकी अश्या वेळी आली आहे, जेव्हा एका बाजूला तो जगातील देशांना सुरक्षा देण्याविषयी बोलत आहे आणि प्रत्येकाला आपला दूतावास चालू ठेवण्यास सांगत आहे. परंतु यादरम्यान, अमेरिकेला अंतिम मुदतीत देश सोडण्याचा इशारा देत आहे.
जो बायडेन याचे दीर्घ मुक्काम करण्याचे संकेत
अमेरिकेने आधी सांगितले होते की ते ३१ ऑगस्ट पर्यंत बचाव मोहीम पूर्ण करून आपले सैन्य मागे घेतील. तथापि, अमेरिकेचे अध्यक्ष जो बायडेन यांनी नंतर एक निवेदन केले की जर मिशन पूर्ण झाले नाही तर ३१ ऑगस्ट नंतर अमेरिकन सैन्य अफगाणिस्तानात राहू शकतात.
अमेरिकेचे राष्ट्राध्यक्ष जो बायडेन यांनी आपल्या निवेदनात म्हटले आहे की, विस्ताराबाबत आमच्या आणि लष्करामध्ये चर्चा सुरू आहे, आमची आशा आहे की आम्हाला विस्तार करावा लागणार नाही. जुलैमध्ये बायडेन यांनी अमेरिकन लष्कराला या महिन्याच्या अखेरीस अफगाणिस्तानमधील मिशन संपवण्याचे आदेश दिले.
जो बायडेन म्हणाले की, अमेरिकेच्या सैन्याने गेल्या २४ तासांत सुमारे ३,९०० जवानांना अफगाणिस्तानातून बाहेर काढले आहे आणि १४ ऑगस्टपासून अमेरिका आणि युतीच्या विमानांनी सुमारे २८,००० लोकांना बाहेर काढले आहे.
न्यूज अनकट प्रतिनिधी: ईश्वर वाघमारे