प्रतीक्षा संपली, रशियाकडून S-400 मिसाइल सिस्टमचा पुरवठा सुरू, भारताचे आकाश होणार अभेद्य

नवी दिल्ली, 15 नोव्हेंबर 2021: भारताच्या सीमा लवकरच अभेद्य होणार आहेत. कारण भारताला रशियाकडून S-400 हवाई संरक्षण क्षेपणास्त्र प्रणाली(S-400 Air Defence Missile System) मिळण्यास सुरुवात झाली आहे. S-400 ची पहिली तुकडी भारत-पाकिस्तान सीमेवर तैनात करण्यात येणार असल्याचे सांगण्यात येत आहे.

S-400 एयर डिफेंस मिसाइल सिस्टम समुद्र आणि हवाई मार्गाने भारताकडे पाठवली जात आहे. जमिनीवरून हवेत मारा करणाऱ्या या यंत्रणेच्या उपलब्धतेमुळे भारताची मारक क्षमता आणखी मजबूत होणार आहे. भारताने ऑक्टोबर 2019 मध्ये रशियाकडून 5.43 अब्ज डॉलर (सुमारे 40 हजार कोटी रुपये) मध्ये पाच S-400 रेजिमेंट खरेदी करण्यासाठी करार केला होता.

जगातील आधुनिक मिसाइल सिस्टम

S-400 सुपरसॉनिक एयर डिफेंस सिस्टममध्ये सुपरसॉनिक आणि हायपरसॉनिक क्षेपणास्त्रे आहेत जी लक्ष्यांवर मारा करण्यात पटाईत आहेत. S-400 ची गणना जगातील सर्वात प्रगत एंटी एयरक्राफ्ट शस्त्रांमध्ये केली जाते. ही सुपरसॉनिक एअर डिफेन्स सिस्टीम 400 किमी परिसरात येणाऱ्या शत्रूची लढाऊ विमाने, क्षेपणास्त्रे, ड्रोन किंवा छुपे विमानांवर हल्ला करून नष्ट करू शकते. त्याच्या मदतीने सहज पकडले न जाणारे लढाऊ विमानही खाली पाडले जाऊ शकते.

S-400 लाँचर शत्रूच्या विमानावर किंवा मिसाईल बर तीन सेकंदात क्षेपणास्त्र डागू शकते. यातून सोडलेली क्षेपणास्त्रे 5 किमी प्रति सेकंद वेगाने जातात आणि 35 किमी उंचीपर्यंत मारा करू शकतात. त्याच्या आगमनाने भारताच्या उत्तर, उत्तर-पूर्व आणि उत्तर-पश्चिम सीमेला प्रचंड सुरक्षा मिळेल.

न्यूज अनकट प्रतिनिधी: ईश्वर वाघमारे