देशात कोरोना रुग्णवाढीत किंचित घट गेल्या २४ तासात ६६६० कोरोना रुग्णांची नोंद, २४ जणांचा मृत्यू

दिल्ली, २५ एप्रिल २०२३: देशातील कोरोनाबाधितांचा वेग थोडा कमी होताना दिसत आहे. गेल्या दोन दिवसांपासून कोरोनाचे नवे रुग्ण १० हजारांच्या खाली नोंदवले जात आहेत. गेल्या २४ तासांत कोरोनाचे ६६६० नवीन रुग्ण आढळले असून, त्यानंतर सक्रिय रुग्णांची संख्या ६३३८० झाली. त्याच वेळी, गेल्या २४ तासांत ९२१३ लोक बरे झाले. आरोग्य मंत्रालयाने जारी केलेल्या आकडेवारीनुसार, दैनंदिन संसर्गाचे प्रमाण ३.५२ टक्के, तर साप्ताहिक संसर्ग दर ५.४२ टक्के.

यापूर्वी सोमवारी कोरोनाच्या नवीन रुग्णांची संख्या ७१७८ होती. म्हणजेच सोमवारच्या तुलनेत मंगळवारी ५१८ कमी नवीन प्रकरणे समोर आली. याआधी रविवारी कोरोनाचे १०११२ नवीन रुग्ण नोंदवले गेले होते, जे सोमवारच्या प्रकरणांपेक्षा २९३४ जास्त होते. कोरोनाच्या प्रकरणांमध्ये सातत्याने होत असलेला हा चढ-उतार पाहता संभ्रमाचे वातावरण आहे.

दुसरीकडे, आता जिथे कोरोनाची सर्वाधिक प्रकरणे नोंदवली जात आहेत, म्हणजेच केरळमध्ये, कोरोनाची व्याप्ती कमी होताना दिसत आहे. तज्ज्ञांचे म्हणणे आहे की, पुढील २-३ दिवस अशीच परिस्थिती राहिली तर येथे कोरोनाचा उच्चांक पार होण्याची शक्यता आहे. त्याचबरोबर देशाची राजधानी दिल्ली देखील कोरोनाचे हॉटस्पॉट आहे. सोमवारी येथील ६८९ प्रकरणे नोंदवली गेली तर ३ लोकांचा मृत्यू झाला. यानंतर, दिल्लीतील एकूण रुग्णांची संख्या २०३४०६१वर पोहोचली, तर आतापर्यंत २६६०० लोकांना आपला जीव गमवावा लागला आहे.

न्यूज अनकट’ प्रतिनिधी : सूरज गायकवाड