नवी दिल्ली, २ सप्टेंबर २०२१: द पर्चेसिंग मॅनेजर्स इंडेक्स (पीएमआय) हे उत्पादन क्षेत्राच्या आर्थिक आरोग्याचे मोजमाप आहे. याद्वारे देशाच्या आर्थिक स्थितीचे मूल्यांकन केले जाते. कोविड -१९ साथीच्या प्रादुर्भावामुळे आणि वाढत्या खर्चामुळे मागणीच्या प्रभावामुळे ऑगस्ट २०२१ दरम्यान भारताच्या उत्पादन क्षेत्रातील हालचाली मंदावल्या आहेत.
हंगामी समायोजित आयएचसी मार्केट्स इंडिया मॅन्युफॅक्चरिंग पर्चेसिंग मॅनेजर्स इंडेक्स (पीएमआय) ऑगस्टमध्ये ५२.३ वर आला आहे जो जुलैमध्ये ५५.३ होता. याचा अर्थ असा की उत्पादन कार्यात मंदी आली आहे. तथापि, ऑगस्ट पीएमआयची आकडेवारी सलग दुसऱ्या महिन्यात एकूण कामकाजाच्या स्थितीत सुधारणा दर्शवते. पीएमआय भाषेत, ५० पेक्षा जास्त गुण म्हणजे गतिविधि मध्ये वाढ होत आहे, तर ५० पेक्षा कमी गुण संकुचन दर्शवतात.
पीटीआयच्या म्हणण्यानुसार, आयएचएस मार्किटमधील अर्थशास्त्राच्या संयुक्त संचालक पोलीन्ना डी लीमा यांनी सांगितले की, ऑगस्टमध्ये भारतीय उत्पादन क्षेत्रात सुधारणा होत असताना, वाढीची गती मंदावली कारण साथीच्या आजाराने मागणी मंदावण्याची काही चिन्हे निदर्शनास आली आहेत.
ते म्हणाले की, वाढीच्या संभाव्यतेबद्दल अनिश्चितता आणि खर्चावर लगाम घालण्याच्या प्रयत्नांमुळे ऑगस्टमध्ये नोकरीच्या परिस्थितीवर परिणाम झाला. PMI सेवा क्षेत्रासह खाजगी क्षेत्राच्या अनेक उपक्रमांवर आधारित आहे. पीएमआय ५ मुख्य घटकांवर आधारित आहे. या पाच प्रमुख घटकांमध्ये नवीन ऑर्डर, इन्व्हेंटरी स्तर, उत्पादन, पुरवठा वितरण आणि रोजगाराचे वातावरण यांचा समावेश आहे.
न्यूज अनकट प्रतिनिधी: ईश्वर वाघमारे