iQOO Z5 5G चे हे खास वेरिएंट भारतात लॉन्च, 1,500 रुपयांची सूट

पुणे, 16 नोव्हेंबर 2021: चीनी स्मार्टफोन कंपनी iQOO ने सप्टेंबरमध्ये iQOO Z5 5G स्मार्टफोन भारतात लॉन्च केला होता.  iQOO Z5 5G मिस्टिक स्पेस आणि आर्क्टिक डॉन या दोन रंग पर्यायांमध्ये लॉन्च करण्यात आला.  आता हा एका नवीन रंगाच्या सायबर ग्रिडमध्ये देखील लॉन्च करण्यात आला आहे.

 iQOO Z5 च्या मागील पॅनलमध्ये सायबर ग्रिड   ग्रेडियंट ब्लूसह वर्टिकल स्ट्राइप्स देण्यात आले आहेत. फोनच्या इतर दोन रंग, Mystic Space आणि Arctic Dawn असणाऱ्या बॅक वर डिजाइन देण्यात आली आहे.  हा iQOO इंडिया वेबसाइट किंवा ई-कॉमर्स साइट Amazon वरून खरेदी केला जाऊ शकतो.

iQOO Z5 सायबर ग्रिड दोन रॅम पर्यायांमध्ये लॉन्च करण्यात आला आहे.  त्याच्या बेस मॉडेलमध्ये 8GB RAM आणि 128GB स्टोरेज आहे, तर टॉप मॉडेलमध्ये 12GB RAM सह 256GB स्टोरेज आहे.

बेस व्हेरिएंटची किंमत 23,990 रुपये आहे.  टॉप मॉडेलसाठी तुम्हाला 26,990 रुपये खर्च करावे लागतील.  हा फोन Amazon वर 1,500 रुपयांच्या डिस्काउंटसह उपलब्ध आहे.

iQOO Z5 5G चे तपशील

iQOO Z5 5G मध्ये 120Hz रिफ्रेश रेटसह 6.67-इंचाचा IPS LCD FHD+ डिस्प्ले आहे.  याच्या फ्रंटला 16-मेगापिक्सल कॅमेरा देण्यात आला आहे.  फोनच्या मागील बाजूस 64-मेगापिक्सलचा प्राइमरी सेन्सर देण्यात आला आहे.  यात 8-मेगापिक्सलचा अल्ट्रावाइड लेन्स आणि 2-मेगापिक्सेल डेप्थ सेन्सर आहे.

या स्मार्टफोनमध्ये स्नॅपड्रॅगन ७७८जी प्रोसेसर देण्यात आला आहे.  फोनमध्ये 44W फास्ट चार्जिंग सपोर्टसह 5,000mAh बॅटरी आहे.  हा स्मार्टफोन Android 11 वर चालतो.

न्यूज अनकट प्रतिनिधी: ईश्वर वाघमारे