केजरीवाल यांच्या मुलीची फसवणूक केल्याप्रकरणी तीन आरोपींना अटक

नवी दिल्ली, १५ फेब्रुवरी २०२१: दिल्लीच्या मुख्यमंत्र्यांच्या मुलीचा समावेश असलेल्या ऑनलाइन फसवणूकीच्या प्रकरणात दिल्ली पोलिसांना यश आले आहे. मुख्यमंत्री अरविंद केजरीवाल यांच्या मुलीची फसवणूक केल्याप्रकरणी दिल्ली पोलिसांनी तीन आरोपींना अटक केली आहे. दिल्लीच्या उत्तर जिल्ह्यातील पोलिसांनी या ठगांना अटक केली असून अद्याप चौकशी करत आहेत.

कपिल, मानवेंद्र आणि साजिद अशी या आरोपींची नावे आहेत. त्यापैकी कपिल आणि मानवेंद्र हे उत्तर प्रदेशमधील मथुरा जिल्ह्यातील रहिवासी आहेत आणि साजिद मेवातचा आहे. कपिल याचे एचडीएफसी बँकेत खाते होते आणि मानवेंद्र यानी खाते उघडले, तर दुसरे खाते साजिदचे आहे. ज्यामध्ये पैसे आले. या प्रकरणात आणखी एक व्यक्ती आहे जो या प्रकरणाचा मुख्य सूत्रधार आहे, तो अद्याप फरार आहे. हा मास्टरमाईंड पकडण्यासाठी दिल्ली पोलिस उर्वरित तीन आरोपींची चौकशी करत आहे.

काय आहे संपूर्ण प्रकरण

खरं तर दिल्लीचे मुख्यमंत्री अरविंद केजरीवाल यांच्या मुलीने ओएलएक्सवर आपला जुना सोफा विकायला एक जाहिरात लावली होती. त्यानंतर ठगांनी केजरीवाल यांच्या मुलीला त्याची सोफा ग्राहक म्हणून ओळख करून दिली. मुख्यमंत्र्यांच्या मुलीचा विश्वास संपादन करण्यासाठी, ठगांनी प्रथम त्यांच्या खात्यावर काही पैसे पाठवले आणि नंतर बार कोड स्कॅन करण्यास सांगितले.

बार कोड स्कॅन होताच तिच्या खात्यातून ३४ हजार रुपये वजा करण्यात आले. या घोटाळ्याबद्दल तिने सिव्हिल लाइन्स पोलिस ठाण्यात तक्रार दिली. यानंतर पोलिसांनी फसवणूकीचा गुन्हा दाखल करून या प्रकरणाचा तपास सुरू केला होता.

न्यूज अनकट प्रतिनिधी: ईश्वर वाघमारे