अनंतनाग चकमकीत तीन अतिरेकी ठार

श्रीनगर, दि. २९ जून २०२०: जम्मू-काश्मीरच्या अनंतनाग जिल्ह्यात सोमवारी सुरक्षा दलांशी झालेल्या चकमकीत तीन अज्ञात अतिरेकी ठार झाल्याची माहिती पोलिसांनी दिली. अनंतनागच्या कुल्चोहर भागात सुरू असलेली चकमकी ही जम्मू-काश्मीर पोलिस आणि सैन्याची संयुक्त कारवाई आहे. काश्मीर झोन पोलिसांनी सांगितले की, ही चकमकी सध्या सुरू आहे.

दक्षिणेकडील जिल्ह्यातील खुल चोहर येथे सुरक्षा दलांनी दहशतवाद्यांच्या उपस्थितीची माहिती मिळताच पोलीस दलाने शोध घेण्याचे काम सुरू केले, अशी माहिती एका पोलीस अधिकारयांनी दिली. दहशतवाद्यांनी सैन्याच्या शोध दलावर गोळीबार केल्यावर ही कारवाई चकमकीत बदलली.

आतापर्यंत झालेल्या चकमकीत तीन अतिरेकी ठार झाले आहेत, अशी माहिती त्यांनी दिली आणि त्यांची ओळख व गट संबंधित माहिती निश्चित केली जात आहे. यापूर्वी, हिज्बुलसह अनेक गटांच्या अतिरेक्यांना खोऱ्यात सुरक्षा दलाने लक्ष्य केले होते. जवळपास रोज वेगवेगळ्या भागात चकमकीच्या माध्यमातून दहशतवाद्यांना ठार केले जात आहे.

याआधी शुक्रवारी पुलवामा जिल्ह्यात सैन्याने दोन अतिरेकी ठार केले. गुरुवारी रात्री दहशतवाद्यांच्या उपस्थितीची माहिती मिळाल्यानंतर सुरक्षा दलांनी दक्षिण काश्मीर जिल्ह्यातील त्रलच्या चिवा उल्लार भागात घेराव व शोध मोहिम सुरू केली होती.

न्यूज अनकट प्रतिनिधी :