नवी दिल्ली, २० सप्टेंबर २०२०: संसदेच्या पावसाळी अधिवेशनाचा आज ७ वा दिवस आहे. शेतीशी संबंधित तीन विधेयकांवर आज संसदेचा अंतिम निर्णय मिळण्याची शक्यता आहे. केंद्रीय कृषी व शेतकरी कल्याण मंत्री नरेंद्रसिंह तोमर यांनी आज राज्यसभेत कृषी संबंधित बिलं सादर केली. दोन्ही विधेयके यापूर्वीच लोकसभेनं मंजूर केली आहेत. याचा निषेध शेतकर्‍यांशी निगडित संस्था करीत आहेत, तर विरोधकही या बिलाविरोधात सातत्यानं विरोध करीत आहेत. त्याचबरोबर केंद्र सरकार हे शेतकऱ्यांसाठी फायदेशीर असल्याचं वर्णन करीत आहे. २४३ संख्या असलेल्या राज्यसभेत अशा पक्षांची संख्या १२५ च्या आसपास आहे जे या विधेयकाला पाठिंबा देतील.
टीएमसीच्या खासदारांनी फाडली नियमावली पुस्तिका
कृषी बिलावरून राज्यसभेत बराच गदारोळ सुरू आहे. टीएमसीचे खासदार डेरेक ओ ब्रायन आणि सभागृहातील इतर सदस्यांनी कृषी बिलावर चर्चा करण्यासाठी वेलमध्ये प्रवेश केला. या दरम्यान, डेरेक ओ ब्रायन यांनी राजीव सभा उपसभापती हरिवंश यांच्यासमोर नियम पुस्तिका फाडली. यानंतर राज्यसभेची कार्यवाही तहकूब करण्यात आलीय.
राज्यसभेत कृषी विधेयकाबाबत बरीच खळबळ उडाली आहे. विरोधी पक्षांचे खासदार वेलजवळ जमून घोषणा देत आहेत.
सरकारला शिवसेनेचा प्रश्न
या विधेयकावर झालेल्या चर्चेदरम्यान, शिवसेना खासदार संजय राऊत यांनी राज्यसभेत सांगितलं की, सरकार देशाला आश्वासन देणार आहे का की कृषी सुधार विधेयके मंजूर झाल्यानंतर शेतकर्‍यांचं उत्पन्न दुप्पट होईल आणि कोणताही शेतकरी आत्महत्या करणार नाही?… या विधेयकावर चर्चा करण्यासाठी एक विशेष अधिवेशन बोलवायला हवं.
न्यूज अनकट प्रतिनिधी: ईश्वर वाघमारे
