सुशांतसिंग राजपूतचा अंतिम चित्रपट “दिल बेचरा” चे ट्रेलर रिलिज

मुंबई, ६ जुलै २०२० : डिस्ने + हॉटस्टार आणि डिस्नेच्या मालकीच्या फॉक्स स्टार स्टुडिओने सुशांतसिंग राजपूतच्या शेवटच्या चित्रपटाचा दोन मिनिटांपेक्षा जास्त कालावधी असलेला ट्रेलरचा पहिला लूक रिलीज केला आहे. या चित्रपटात सुशांत हा एका कॅन्सर रुग्णाच्या भूमिकेत आपल्याला दिसेल.

जॉन ग्रीनच्या २०१२ च्या ‘द फ्लेट इन आवर स्टार्स’ या रूपांतरीत आधारीत आहे. यात सुशांत दुस-या एका कर्करोगाने बाधित किजी बासू (नविन चेहरा संजना सांघी ) या मुलीच्या प्रेमात पडतो.

दिल बेचरा या चित्रपटाच्या ट्रेलरमध्ये दोन्ही नायक नायिकांची प्रथम ओळख करुन दिली जाते आणि त्यानंतर त्यांचा रोमँटिक संबंध जोडला जातो, जो त्यांना भारताच्या उपनगरापासून फ्रान्सची राजधानी पॅरिस पर्यंत घेऊन जातो. सुशांत आणि सांघीच्या व्यतिरिक्त, दिल बेचरा मध्ये सैफ अली खान, स्वस्तिका मुखर्जी, साहिल वैद , सस्वता चटर्जी , मिलिंद गुणाजी आणि जावेद जाफरी यांच्या प्रमुख भूमिका आहेत.

या चित्रपटाचे दिग्दर्शन कास्टिंग डायरेक्टर आणि दिग्दर्शक म्हणून पहिल्यांदाच डेब्यू करणारे मुकेश छाबरा यांनी केले आहे. शशांक खेतान आणि सुपरोतीम सेनगुप्ता यांनी या चित्रपटाची पटकथा लिहली आहे. २०१८ च्या उत्तरार्धात #MeToo चळवळी दरम्यान लैंगिक छळ केल्याचा आरोप समोर आल्यानंतर छाबरा यांना या चित्रपटाच्या चित्रीकरणापूर्वी दिग्दर्शक म्हणून काढून टाकले गेले होते. त्यावेळेस त्यांनी हे आरोप फेटाळून लावले, नंतर त्यांना दोषमुक्त केले गेले आणि त्यानंतर पुन्हा आता हा पदभार त्यांनी स्वीकारला.

सत्यजित सेतू पांडे यांनी या चित्रपटाचे छायाचित्रकार म्हणून काम पाहिले असून आरिफ शेख यांनी याचे संकलनाचे काम पाहिले आहे. ए.आर. रहमान हे या चित्रपटाचे संगीतकार आहेत, तर अमिताभ भट्टाचार्य यांची गीते आणि प्रीतम दास यांचे संगीत संयोजन आहे. दिल बेचारा या चित्रपटाचे अमित रे आणि सुब्रत चक्रवर्ती या जोडीने प्रोडक्शन डिजाइन केले आहे, आणि निकिता रहेजा मोहंती व नताशा चरक यांनी वेशभूषा तर विक्रम गायकवाड यांनी मेक-अपचे काम पाहिले. फराह खान आणि उमा-गायतीची जोडीने कोरिओग्राफीचे काम पाहिले.

डिस्ने + हॉटस्टारसाठी, वर थेट स्ट्रिमिंग होणारी दिल बेचारा ही दुसरी मोठी फिल्म असेल. सध्या सुरू असलेल्या कोरोनाव्हायरस आजारामुळे थेट प्रवाहावर रिलीज होणारा हा दुसरा बॉलिवूड चित्रपटदेखील आहे; पहिले अमिताभ बच्चन आणि आयुष्मान खुराना-स्टारर “गुलाबो” जूनमध्ये अ‍ॅमेझॉन प्राइम व्हिडिओवर रिलीज झाला होता. डिस्ने + हॉटस्टार मल्टिप्लेक्स म्हणून ओळखल्या जाणा-या डिस्नेने त्याच्या स्ट्रीमिंग सेवेसाठी घेतलेल्या एकूण सात चित्रपटांपैकी दिल बेचरा हा एक चित्रपट आहे.

न्यूज अनकट प्रतिनिधी