नवी दिल्ली, १९ ऑक्टोबर २०२२ : दुचाकी बनवणाऱ्या कंपन्यांमध्ये टीव्हीएसनेही आपले एक वेगळं स्थान निर्माण केले आहे. १०० सीसी सेगमेंटमध्ये टीव्हीएसच्या दुचाकी होंडा, हिरो बाइक्सना तर आव्हान देतच आहे, त्याचबरोबर आता १२५ सीसी सेगमेंटवर देखील टीव्हीएसचा निशाणा आहे. कंपनी आज आपली अपडेटेड १२५ सीसी बाईक टीव्हीएस रायडर १२५ प्रदर्शित करणार आहेत.
लाँच देखील वेगळा असणार आहे. टीव्हीएस मोटोव्हर्स या मेटाव्हर्स प्लॅटफॉर्म वर लाँच करणार आहे. ही बाईक २०२१ मध्ये लाँच झालेल्या आय रायडर या बाईकचे अपडेटेड मॉडेल आहे. कंपनीने प्रचारासाठी कुठलीच कसर सोडली नाही. कंपनीने आपल्या सोशल मीडिया हँडलवर या बाईकबाबत काही टिझर देखील रिलीज केले आहेत.
वेगळे फिचर्स, मजबूत ब्रेक, इंजिन
अपडेटेड Raider १२५ नवीन प्रकारात लॉन्च केली जाऊ शकते, जो बाजारात उपलब्ध असलेल्या Raider पेक्षा थोडी अधिक महाग असेल. नवीन मॉडेल कंपनीच्या कनेक्टिव्हिटी फीचरने स्मार्ट सुसज्ज आहे. नवीन Raider ला ब्लूटूथ कनेक्टिव्हिटी आणि मोबाईल अॅप्लिकेशनद्वारे सपोर्ट आहे. यासोबतच या बाईकमध्ये कॉल आणि एसएमएस अलर्टसह कॅलेंडर देखील अॅक्सेस करता येणार आहे. कंपनी टिविइस स्मार्ट कनेक्ट सह टर्न-बाय-टर्न नेव्हिगेशन देखील देते. या बाईकमध्ये पूर्वीपेक्षा मोठा कलर टीएफटी डिस्प्ले दिला जाणारा आहे.
TVS Raider १२५ ला पुढील आणि मागील बाजूस १७-इंच ट्यूबलेस टायर देण्यात आले आहे. यात समोर २४० mm डिस्क ब्रेक आणि १३० mm ड्रम ब्रेकचा पर्याय देण्यात आला आहे. तर मागील बाजूस फक्त ड्रम ब्रेक देण्यात आला आहे. बाईकचे वजन १२३ किलो आहे आणि यात १० लिटरची इंधन टाकी आहे.
बाईकमध्ये १२४.८ सीसी सिंगल सिलेंडर इंजिन मिळणार आहे. BS ६ इंजिन हे इंजिन ११.२ बीएचपीची शक्ती आणि ११.२ एनएमचा टॉर्क निर्माण करते.
बाईकमध्ये ३ व्हॉव्ह एअर आणि ऑइल कूल एफ वाय इंजिन असेल. तसेच इंजिन ५ स्पिड गेअरबॉक्ससह मिळेल
टीव्हीएस १२५ रायडरची एक्स शोरूम किंमत ८९ हजार ८०० ते ९३ हजार ४५० रुपये इतकी आहे. तसेच Raider १२५ – फायरी यलो, स्ट्राइकिंग रेड, ब्लेझिंग ब्लू आणि विक्ड ब्लॅक या चार रंगांमध्ये उपलब्ध होणार आहे.
न्यूज अनकट प्रतिनिधी – वैभव शिरकुंडे
