मुंबई – गोवा महामार्गावर दोन भीषण अपघात; १३ ठार तर २२ जण जखमी

मुंबई, १९ जानेवारी २०२३: महाराष्ट्रातील मुंबई- गोवा महामार्गावर गुरुवारी पहाटे एक हृदयद्रावक घटना घडली आहे. येथे कार आणि ट्रकची समोरासमोर धडक झाली. यामध्ये नऊ जणांचा जागीच मृत्यू झाला, तर चार वर्षांचा एक मुलगा गंभीर जखमी झाला आहे. या घटनेची माहिती मिळताच पोलीस घटनास्थळी दाखल झाले असून, ग्रामस्थांच्या मदतीने पोलिसांनी मदतकार्य सुरू केले.

पोलिसांनी दिलेल्या माहितीनुसार, रायगड जिल्ह्यातील माणगावजवळ मुंबई-गोवा महामार्गावर पहाटे साडेपाचच्या सुमारास ही घटना घडली. इको कारमधून नऊ जण मुंबईहून गोव्याला जात होते. दरम्यान, समोरून येणाऱ्या ट्रकच्या प्रकाशाने त्यांच्या गाडीच्या चालकाचे डोळे विस्फारले. त्यामुळे कार चालकाचे वाहनावरील नियंत्रण सुटले आणि काही वेळात कार भरधाव वेगात असलेल्या ट्रकला धडकली. या अपघातात कारमधील सर्व नऊ जणांचा मृत्यू झाला आहे. यामध्ये चार महिला आणि पाच पुरुषांचा समावेश आहे. मात्र, त्याच कारमध्ये स्वार असलेला चार वर्षांचा मुलगा गंभीर जखमी होऊनही बचावला आहे. त्यांना उपचारासाठी रुग्णालयात दाखल करण्यात आले आहे.

• कणकवली येथे खासगी बस उलटल्याने चार जणांचा मृत्यू

दुसरा अपघात मुंबई-गोवा महामार्गावरील कणकवली येथे वागदे पुलाजवळ झाला. खासगी बस उलटून चार जणांचा मृत्यू झाला आहे. तर, २२ प्रवासी गंभीर जखमी झाले आहेत.

पहाटे चारच्या सुमारास हा अपघात झाला असून गडनदी पूलावर धोकादायक वळणावर चालकाचा ताबा सुटून हा अपघात झाला आहे. जखमींना रुग्णालयात दाखल करण्यात आले असून त्यांच्यावर उपचार सुरू आहेत.

‘न्यूज अनकट’ प्रतिनिधी : सूरज गायकवाड