छत्रपती संभाजीनगरमध्ये दुचाकी आणि पिकअपच्या अपघातात २ ठार

छत्रपती संभाजीनगर ५ ऑगस्ट २०२४ : छत्रपती संभाजीनगर जिल्ह्यातील कन्नड- भराडी रोडवर असणाऱ्या बोरगाव जवळ दुचाकी आणि पिकअपचा भीषण अपघात झालाय. या अपघातात दुचाकीवर असणाऱ्या २ तरुणांचा जागीच मृत्यू झाल्याची घटना घडली.

गणेश निकम आणि आशिष परमेश्वर या जिवलग मित्रांचा या अपघातात दुर्दैवी मृत्यू झालाय. कन्नड कडून भराडी कडे जाणाऱ्या एका भरधाव वेगात असलेल्या पिकप चालकाने अचानक ब्रेक दाबल्याने पाठीमागून आलेली दुचाकी पिकअपवर जोरदार आदळली. दरम्यान या घडलेल्या घटनेमुळे दोघांच्याही कुटुंबीयांवर दुःखाचा डोंगर कोसळला असून हळहळ व्यक्त करण्यात येत आहे.

न्युज अनकट प्रतिनीधी : संजय आहेर