इस्लामाबाद, दि. १२ जून २०२०: भारताच्या नकाशा मध्ये कश्मीर दाखवल्यामुळे पाकिस्तान मधील सरकारी न्यूज चैनल Ptv ने आपल्या दोन अधिकाऱ्यांना निलंबित केले आहे. वस्तुतः ६ जून रोजी पाकिस्तानच्या सरकारी वाहिनीने पीओकेची लोकसंख्या सांगणार्या या घटनेने काश्मिरला भारताचा भाग म्हणून घोषित केले होते. पाकिस्तानच्या सरकारी वाहिनीवरूनच् असे प्रसारण झाल्यामुळे हा विषय पाकिस्तानमध्ये वादाचा मुद्दा ठरला.
८ जून रोजी पाकिस्तानी संसदेतही हा मुद्दा उपस्थित करण्यात आला होता. यानंतर सिनेटचे अध्यक्ष सादिक संजरानी यांनी कार्यवाहीसाठी हा विषय माहिती व प्रसारण स्थायी समितीकडे पाठविला. एका ट्वीटमध्ये Ptv ने म्हटले आहे की Ptv व्यवस्थापनाने ६ जून रोजी Ptv वर प्रसारित होणार्या पाकिस्तानच्या नकाशाच्या चुकीच्या चित्राची चौकशी करण्यासाठी स्थापन समितीच्या शिफारशींवर कडक कारवाई करत दोन अधिकाऱ्यांना कामावरून काढून टाकले आहे.
वाहिनीने अधिकाऱ्यांची नावे नमूद केली नाहीत पण असे म्हटले की दुर्लक्ष अजिबात खपवून घेतले जाणार नाही आणि तेच आमचे धोरण आहे. तत्पूर्वी विज्ञान आणि तंत्रज्ञान मंत्री फवाद चौधरी आणि मानवाधिकार मंत्री शिरीन मझारी यांनीही चॅनलवर कारवाई करण्याची मागणी केली. सरकारी टीव्ही वाहिनीच्या या चुकांनंतर पाकिस्तानी लोकांनी सोशल मीडियावर या टिव्ही चैनल वर टीका करण्यास सुरुवात केली. घाईघाईत Ptv ला हे देखील स्पष्ट करावे लागले की मानवी चुकांमुळे हे घडले आहे आणि दोषींवर कारवाई केली जाईल.
न्यूज अनकट प्रतिनिधी
