केंद्रीय मंत्री नितिन गडकरी कोरोना पॉजिटिव…

नवी दिल्ली, १७ सप्टेंबर २०२०: केंद्रीय मंत्री नितीन गडकरी हे कोरोना पॉझिटिव्ह असल्याचं समोर आलंय. त्यांनी ही माहिती ट्विटरवर शेअर केलीय. मंगळवारी डॉक्टरांच्या सल्ल्यानुसार अशक्तपणा जाणवल्यानंतर त्यांनी कोरोना तपासणी केली, ज्याचा अहवाल सकारात्मक आला आहे.

हा अहवाल आल्यानंतर केंद्रीय मंत्र्यांनी स्वत: ला क्वारंटाईन केलं आहे. ते म्हणाले की त्यांच्या संपर्कात आलेल्या सर्वांनी सावधगिरी बाळगत याच्याशी संबंधित सर्व प्रोटो कॉल पाळावेत. नितीन गडकरी हे देखील १४ सप्टेंबर रोजी पावसाळी अधिवेशनाच्या पहिल्या दिवशी संसदेत पोहोचले होते.

नितीन गडकरी यांनी ट्विट केलं की, ‘काल मला अशक्तपणा जाणवत होता आणि मग डॉक्टरांचा सल्ला घेतला. माझ्या तपासणी दरम्यान मी कोरोना पॉझिटिव्ह असल्याचं दिसून आलं. तुमच्या सर्वांच्या आशीर्वादानं व शुभेच्छा घेऊन मला आत्ता बरं वाटलं आहे. मी स्वत: ला क्वारंटाईन केलं आहे.

कोरोना कालावधीत संसदेचं पावसाळी अधिवेशन सोमवारपासून सुरू झालं. या धोकादायक संसर्गाच्या पार्श्वभूमीवर सावधगिरी बाळगली जात आहे, परंतु आतापर्यंत दोन्ही सभागृहातील अनेक खासदारांचा कोरोना अहवाल सकारात्मक आलाय.

गृहमंत्री अमित शहा एम्समध्ये दाखल आहेत

केंद्रीय गृहमंत्री अमित शाह यांना शनिवारी रात्री दिल्लीच्या अखिल भारतीय वैद्यकीय विज्ञान संस्थेत पुन्हा दाखल करण्यात आले. यापूर्वी १८ ऑगस्ट रोजी अमित शाह यांना कोविड -१९ पासून बरे झाल्यानंतर पुढील उपचारासाठी एम्समध्ये दाखल केले होते. अमित शहा यांना १२ दिवस रुग्णालयात दाखल केले होते. यानंतर ३१ ऑगस्ट रोजी त्यांची सोडण्यात आलं.

न्यूज अनकट प्रतिनिधी: ईश्वर वाघमारे