अफगाणिस्तानात अमेरिकेने केले हवाई हल्ले, अनेक तालिबानी दहशतवादी ठार

काबूल, २३ जुलै २०२१: गेल्या तीन दिवसात अफगाणिस्तानच्या वेगवेगळ्या प्रांतांमध्ये अमेरिकेने केलेल्या हल्ल्यात किमान ५ तालिबानी अतिरेकी ठार झाले आहेत. एका स्थानिक पत्रकाराच्या म्हणण्यानुसार त्याला अफगाणिस्तानच्या विविध अधिकाऱ्यांकडून ही माहिती मिळाली. अफगाण पत्रकार बिलाल सरवारी यांच्या ट्वीटच्या आधारे दावा केला आहे की अमेरिकन सैन्य दलांनी तालिबान्यांना लक्ष्य करुन हवाई हल्ले केले.

बर्‍याच प्रांतांमध्ये बॉम्बस्फोट

सरवारी यांनी ट्विट केले की, गेल्या ५२ तासांत अमेरिकन हवाई दल सातत्याने अफगाणिस्तानाच्या अनेक प्रांतांमध्ये हवाई हल्ले करीत आहे. हेलमंद मधील गार्मासिर जिल्ह्यात तालिबानच्या एका वाहनाला लक्ष्य करण्यात आले आहे. हे सर्व तेव्हा घडत आहे जे जेव्हा अमेरिकन सैन्य आणि नाटो सैन्याने अफगाणिस्तानातून माघार घेण्यास सुरुवात केली आहे. यादरम्यान तालिबानने अफगाण सैन्यासोबत भीषण युद्ध सुरू केलेय आणि हळूहळू अफगाणिस्तानवर कब्जा मिळवण्याच्या दिशेने वाटचाल केलीय.

वृत्तसंस्था एएनआय च्या म्हणण्यानुसार, सरवारीने ट्विट केले की, अमेरिकेच्या सैन्याने कंधार येथे हवाई हल्ला केला, ज्यामध्ये पाच तालिबानी ठार झाले. दरम्यान, सरवारीने असेही वृत्त दिले की, वरदक प्रांतातील सय्यदाबाद जिल्ह्यात अमेरिकेच्या हवाई हल्ल्यात तालिबानी तोफखाना उध्वस्त झाला आहे.

अल कायदावर देखील अमेरिकेची नजर

याव्यतिरिक्त, शहा वाली कोट जिल्ह्यात दोन अमेरिकन हवाई हल्ले झाले. यामध्ये तालिबानच्या दहा सशस्त्र हलकी लष्करी ट्रकना लक्ष्य केले आहे. गेल्या बुधवारी अमेरिकेचे संरक्षण सचिव लॉयड ऑस्टिन म्हणाले की, अमेरिकेच्या सैन्यदलाचे लक्ष अफगाणिस्तानात दहशतवादविरोधी वातावरण निर्माण करणे आहे. तालिबान व्यतिरिक्त अफगाणिस्तानातल्या अल कायदावरही अमेरिका नजर ठेवेल.

दहशतवाद्यांनी २१२ जिल्हा केंद्रे काबीज केली

त्याचबरोबर आयएएनएस या वृत्तसंस्थेच्या वृत्तानुसार अमेरिकेने हे मान्य केले आहे की अफगाणिस्तानात तालिबान्यांचे वर्चस्व वाढत आहे. या युद्धग्रस्त देशातील निम्मे भाग या दहशतवादी संघटनेच्या ताब्यात आले आहे. अफगाणिस्तानच्या ४१९ जिल्हा केंद्रांपैकी २१२ केंद्र आता तालिबानच्या ताब्यात आहेत, असे अमेरिकेच्या एका वरिष्ठ जनरलने सांगितले. अमेरिकन सैन्याची माघार सुरू झाल्यापासून तालिबान रणनीतिकदृष्ट्या वाढत आहे.

न्यूज अनकट प्रतिनिधी: ईश्वर वाघमारे