अमेरिका : कॅलिफोर्नियातील चर्चमध्ये गोळीबार, लोकांमध्ये दहशत

कॅलिफोर्निया, 16 मे 2022: अमेरिकेतील शहरांमध्ये गोळीबाराच्या घटना थांबण्याचे नाव घेत नाहीत. शनिवारच्या घटनेनंतर रविवारीही गोळीबाराचे प्रकरण समोर आले आहे. या वेळी कॅलिफोर्नियाच्या चर्चमध्ये गोळीबार झाला. स्थानिक पोलिसांनी दिलेल्या माहितीनुसार, दक्षिण कॅलिफोर्नियातील प्रेस्बिटेरियन चर्चमध्ये झालेल्या गोळीबारात एकाचा मृत्यू झाला. तर चार जण गंभीर जखमी झाले आहेत. संशयिताला ताब्यात घेण्यात आल्याचे पोलिसांनी सांगितले.

पोलिसांनी सांगितले की, ऑरेंज काउंटी शेरीफ विभागाने सांगितले की, एजन्सीच्या म्हणण्यानुसार, लगुना वुड्स शहरातील जिनिव्हा प्रेस्बिटेरियन चर्चमध्ये दुपारी 1:30 वाजता बंदुकीच्या गोळ्यांचा आवाज ऐकू आला. त्यानंतर अचानक चेंगराचेंगरी झाली, जीव वाचवण्यासाठी लोक इकडे तिकडे धावू लागले. या गोळीबारात एकाचा जागीच मृत्यू झाला.

पोलिसांनी दिलेल्या माहितीनुसार, ही घटना घडवणाऱ्या आरोपीला ताब्यात घेण्यात आले आहे. यासोबतच शस्त्रही जप्त करण्यात आले आहे. शेरीफचे प्रवक्ते कॅरी ब्रॉन यांनी सांगितले की यावेळी सुमारे 30 लोक उपस्थित होते. चर्चमधील बहुतेक लोक मूळचे तैवानचे होते. या प्रकरणाची सखोल चौकशी करण्यात येत असल्याचे ब्रॉन यांनी सांगितले. आरोपींनी द्वेषातून ही घटना घडवून आणली असावी, अशी भीती पोलिसांनी व्यक्त केली आहे.

याआधी शनिवारी न्यूयॉर्कमधील बफेलोमध्ये एका व्यक्तीने सुपरमार्केटमध्ये अंदाधुंद गोळीबार केला होता. यामध्ये 10 जणांचा मृत्यू झाला तर 3 जण गंभीर जखमी झाले.

न्यूज अनकट प्रतिनिधी: ईश्वर वाघमारे