टाकळवाडे येथे पद्मावती देवीच्या यात्रेनिमित्त विविध कार्यक्रम

फलटण, १० एप्रिल २०२३ : टाकळवाडे तालुका फलटण येथील ग्रामदैवत श्री पद्मावती देवीच्या जत्रेनिमित्त दि. ११ व १२ रोजी ग्रामस्थांकडून विविध कार्यक्रमांचे आयोजन केले असल्याची माहिती यात्रा कमिटीच्या वतीने देण्यात आली आहे.

दिनांक ११ रोजी सकाळी १२ वाजेपर्यंत देवीला पोळ्यांचा गोड नैवेद्य प्रसाद, दुपारनंतर पारंपरिक पद्धतीने बकऱ्यांचा कार्यक्रम. रात्री आठ नंतर मनोरंजनासाठी आर्केस्ट्रा कार्यक्रम. दिनांक १२ रोजी पहाटे ५ वा पालखी छबिण्याचा कार्यक्रम. पालखी सोबत सासनकाठ्या, पारंपारिक वाद्यवृंद, बॅंझो, फटाक्यांची आतिषबाजी, गुलालाच्या उधळणीत पालखी ग्राम प्रदक्षिणेस निघते. सकाळी दहा वाजता पालखीचे मिरवणूकीने मंदिरात पुनरागमन. त्यानंतर मंदिर परिसरात मनोरंजनासाठी लोकनाट्याचा कार्यक्रम. दुपारी तीन नंतर कुस्त्यांच्या आखाड्याचे आयोजन केले आहे.

आखाड्यामध्ये नामवंत पैलवानांच्या हजारो रुपये इनामाच्या कुस्त्यांचा थरार अनुभवायला मिळतो. आखाड्यात नामवंत पैलवान हजेरी लावतात. यात्रेनिमित्त ग्रामस्थांच्या वतीने ग्राम स्वच्छता अभियान राबविले आहे. यात्रा शांततेत पार पाडण्यासाठी यात्रा कमिटी ग्रामस्थ परिश्रम घेत आहेत. यात्रेतील विविध कार्यक्रमांचा लाभ ग्रामस्थ भाविक भक्तांनी घ्यावा असे आवाहन यात्रा कमिटीच्या वतीने करण्यात आले आहे.

न्यूज अनकट प्रतिनिधी : आनंद पवार