विजय करणार बॉलिवूडमध्ये पदार्पण

मुंबई : सुप्रसिद्ध दाक्षिणात्य अभिनेता विजय देवरकोंडा लवकरच बॉलिवूडमध्ये पदार्पण करणार असल्याची माहिती मिळत आहे. याविषयी स्वतः दिग्दर्शक करण जोहरने ही माहिती दिली आहे.
‘डिअर कॉम्रेड’ हा विजयचा तेलगू चित्रपट खूप गाजला. या चित्रपटाच्या हिंदी रिमेकमध्ये मुख्य भूमिका साकारण्यासाठी विजय तयार झाला असल्याची माहिती समोर येत आहे.
विजयचा हा पहिलाच हिंदी चित्रपट असेल. डिअर कॉम्रेडच्या रिमेक मध्ये विजय मुख्य भूमिका साकारणार आहे. या चित्रपटात ‘बाहुबली’ फेम अभिनेत्री रम्या कृष्णनचीही महत्त्वपूर्ण भूमिका असणार आहे.
दरम्यान, करण जोहरने सदरील तेलगू चित्रपटाचे अधिकार विकत घेतले असून तो या चित्रपटाच्या हिंदी रिमेकची निर्मिती करणार आहे.