विराट कोहली वेस्ट इंडिज दौऱ्यात नसणार, जसप्रीत बुमराह-युजवेंद्र चहल देखील T20 संघातून बाहेर, आर अश्विन – KL राहुलची एंट्री

IND Vs WI T20 मालिका, 14 जुलै 2022: वेस्ट इंडिजविरुद्धच्या टी-20 मालिकेसाठी टीम इंडियाचा 18 सदस्यीय संघ जाहीर करण्यात आला आहे. 29 जुलैपासून सुरू होणाऱ्या या पाच सामन्यांच्या मालिकेत विराट कोहलीला विश्रांती देण्यात आली आहे. विराटबद्दल बरीच अटकळ बांधली जात होती, आता तो टी-20 किंवा वनडे मालिका खेळण्यासाठी वेस्ट इंडिजला जाणार नसल्याचे स्पष्ट झाले आहे.

कोहलीशिवाय नंबर 1 वेगवान गोलंदाज जसप्रीत बुमराहलाही टी-20 मालिकेतून विश्रांती देण्यात आली आहे. इंग्लंडविरुद्धच्या ओव्हल वनडेत बुमराहने 19 धावांत 6 बळी घेतले. याशिवाय केएल राहुलचेही शस्त्रक्रियेनंतर संघात पुनरागमन झाले आहे.

राहुल आणि कुलदीपला फिटनेस टेस्ट पास करावी लागणार

याशिवाय लेगस्पिनर युजवेंद्र चहललाही या मालिकेतून विश्रांती देण्यात आली आहे. त्यांच्या जागी रवी बिश्नोईला संधी देण्यात आली आहे. तर रविचंद्रन अश्विनचेही संघात पुनरागमन झाले आहे. याशिवाय फिरकीपटू अक्षर पटेल आणि कुलदीप यादव यांचीही संघात निवड करण्यात आली आहे. मात्र, केएल राहुल आणि कुलदीपला फिटनेस टेस्ट उत्तीर्ण करावी लागेल.

कोहली नसल्याचं कारण सांगण्यात आलं नाही

निवड समितीने विराट कोहलीला टी-20 मालिकेतून विश्रांती देण्याचे कोणतेही कारण दिलेले नाही. मात्र समितीने भारताचा माजी कर्णधार विराट कोहलीला विचारल्यानंतरच विश्रांती देण्याचा निर्णय घेतल्याचे समजते. या दोन महिन्यांत कोहलीला विश्रांती देण्याची ही दुसरी वेळ आहे. यापूर्वी त्याने आयपीएलनंतर दक्षिण आफ्रिकेविरुद्ध टी-20 मालिका खेळली नव्हती.

न्यूज अनकट प्रतिनिधी: ईश्वर वाघमारे