व्यापार युद्ध संपण्याची चिन्हे, व्यापार करारावर सहमती

नवी दिल्ली: जगभरातील अर्थव्यवस्थांच्या बाबतीत एक चांगली बातमी आहे. अमेरिका आणि चीनने व्यापार करारावर सहमती दर्शविली आहे. या वृत्ताला दुजोरा देत चिनी राज्य माध्यमांनी म्हटले आहे की दोन्ही देशांमधील व्यापार कराराच्या पहिल्या टप्प्यावर एक करार झाला आहे. गेल्या १८ महिन्यांपासून दोन्ही देशांमध्ये व्यापार युद्ध चालू होते. यामुळे जगातील या दोन मोठ्या अर्थव्यवस्थाच केवळ त्रस्त झाल्या आहेत, परंतु जगातील अनेक देश आर्थिक मंदीच्या तावडीत आल्या आहेत. अहवालात असे म्हटले आहे की हा करार समानता आणि परस्पर आदर या तत्त्वावर आधारित आहे आणि यामुळे व्यापार युद्धाचा अंत होईल. या व्यापार युद्धाच्या कारणामुळे जागतिक अर्थव्यवस्थेवर विपरीत परिणाम झाला आहे.
अमेरिकेने २५० अब्ज डॉलर्स किंमतीच्या चिनी वस्तूंवर शुल्क लादले होते. अमेरिकेच्या या निर्णयाला उत्तर देताना चीनने अमेरिकन वस्तूंच्या ११० अब्ज डॉलर्सच्या आयात शुल्काचीही घोषणा केली होती. यामुळे आंतरराष्ट्रीय नाणेनिधीने (आयएमएफ) चेतावणीही दिली की व्यापार युद्धामुळे संपूर्ण जगाची आर्थिक वाढ थांबेल व आर्थिक मंदीचा स्थिती निर्माण होऊ शकते.
तथापि, आता दोन्ही देशांच्या संमतीने जागतिक वाढीला वेग येण्याची शक्यता आहे. चीनची अधिकृत वृत्तसंस्था शिन्हुआच्या मते, दोन्ही देशांनी कराराच्या पहिल्या टप्प्यावर सहमती दर्शविली आहे. हा करार समानता आणि परस्पर आदर या तत्त्वावर आधारित दोन्ही देशांमधील आर्थिक आणि व्यापार करार आहे.