काबूल विमानतळापासून दूर राहण्याचा नागरिकांना इशारा, आतंकवादी हल्ल्याची शक्यता

काबूल, २७ ऑगस्ट २०२१: अफगाणिस्तानमधील काबूलमधून मोठ्या संख्येने लोक निघत आहेत, दरम्यान एक चिंताजनक बातमी समोर आली आहे. काबुल विमानतळावर दहशतवादी हल्ला होण्याची शक्यता वाढल्याने अमेरिका, ब्रिटन आणि ऑस्ट्रेलियाने आपल्या नागरिकांना सुरक्षित राहण्याचा इशारा दिला आहे.

एएफपी या वृत्तसंस्थेने दिलेल्या माहितीनुसार, बुधवारी या देशांकडून त्यांच्या नागरिकांना इशारा देण्यात आला. प्रत्येकाला काबूल विमानतळ सोडून जाण्यास सांगण्यात आले, कारण विमानतळावर दहशतवादी हल्ल्याचा धोका आहे.

ऑस्ट्रेलियाच्या परराष्ट्र विभागाने अफगाणिस्तानमध्ये राहणाऱ्या रहिवाशांना आपण काबूल विमानतळाजवळ असल्यास सुरक्षित ठिकाणी जाण्यास सांगितले आहे. त्याचबरोबर ब्रिटनने कोणत्याही परिस्थितीत अफगाणिस्तान सोडण्यास सांगितले आहे.

अमेरिका, ब्रिटन, ऑस्ट्रेलिया हे त्या देशांपैकी आहेत, जे अफगाणिस्तानातून आपल्या लोकांना बाहेर काढण्यात गुंतले आहेत. १४ ऑगस्टपासून काबूल विमानतळावरून बचाव मोहीम सुरू आहे, आतापर्यंत हजारो लोकांना बाहेर काढण्यात आले आहे.

मात्र, आता अमेरिका आणि नाटो देशांना तालिबानने ३१ ऑगस्टपर्यंत त्यांचे बचाव अभियान पूर्ण करण्याचा इशारा दिला आहे, त्यानंतर कोणालाही परवानगी दिली जाणार नाही. त्याच वेळी, तालिबानने म्हटले आहे की कोणत्याही अफगाण नागरिकाने अमेरिकेबरोबर बाहेर जाऊ नये.

काबूल विमानतळावरील परिस्थिती यापूर्वीही बिघडली होती, अनेक वेळा गोळीबार झाले आहेत आणि काही लोकांना आपले प्राणही गमवावे लागले होते. आता ३१ ऑगस्ट जवळ आल्याने काबूल विमानतळावर लोकांचे आगमन वाढले आहे. हजारो लोक सातत्याने विमानतळावर पोहोचत आहेत आणि देश सोडण्याचा प्रयत्न करत आहेत.

न्यूज अनकट प्रतिनिधी: ईश्वर वाघमारे