बॉलीवूडचे सुप्रसिद्ध गायक के.के. यांचं हदय विकाराच्या झटक्याने निधन, बॉलिवूडवर शोककळा

कलकत्ता, 1 जून 2022: गायन विश्वातून दु:खद बातमी समोर येत आहे. प्रसिद्ध गायक केके उर्फ ​​कृष्ण कुमार कुननाथ यांचं निधन झालंय. ते कोलकात्यात एका कॉन्सर्टसाठी गेले होते. मैफिलीनंतर त्यांची तब्येत अचानक बिघडली आणि ते कोसळले. त्यांना तातडीने जवळच्या रुग्णालयात नेले असता डॉक्टरांनी त्यांना मृत घोषित केलं. वयाच्या 53 व्या वर्षी केके यांनी जगाचा निरोप घेतला. पंतप्रधान नरेंद्र मोदी, गृहमंत्री अमित शहा यांनी ट्विट करून केके यांच्या निधनाबद्दल शोक व्यक्त केलाय.

मिळालेल्या प्राथमिक माहितीनुसार केके यांचा मृत्यू हृदयविकाराच्या झटक्याने झालाय. मात्र सध्या डॉक्टर काहीही बोलण्याचं टाळत आहेत. त्यांच्या म्हणण्यानुसार, शवविच्छेदनानंतरच मृत्यूचं कारण स्पष्ट होईल. केके दोन दिवसांच्या कॉन्सर्टसाठी कोलकाता येथे आले होते, असं सांगण्यात येत आहे. सोमवारी त्यांची मैफलही होती. तो कार्यक्रम त्यांनी विवेकानंद महाविद्यालयात केला. पण मैफल संपल्यानंतर दुसऱ्याच दिवशी त्यांची तब्येत बिघडली आणि बघता बघता त्यांनी सगळ्यांना कायमचा निरोप दिला.

आज सकाळी केके ची पत्नी कलकत्त्यात पोहोचणार

केकेच्या मृत्यूची बातमी मिळताच रुग्णालयात पोहोचलेले जीत गांगुली यांनी सांगितलं की, केकेचे कुटुंबीय सकाळी कोलकाता येथे पोहोचतील. त्यांच्या मृत्यूमुळं त्यांच्या कुटुंबीयांना मोठा धक्का बसला आहे. त्यांनी सांगितलं की केकेची पत्नी 10.30 वाजता कोलकाता येथे पोहोचेल. ते म्हणाले की “सध्या ते कलकत्त्यात आहे. दोनच दिवसांपूर्वी केकेशी बोललो. तो येथे परफॉर्म करणार असल्याचे त्याने सांगितलं. मी कोलकात्याला येत आहे, कॉलेजच्या शोमध्ये परफॉर्म करणार असल्याचं कॉलवर सांगण्यात आलं.”

पीएम मोदींनी शोक व्यक्त केला

त्यांच्या निधनावर पंतप्रधान नरेंद्र मोदी यांनी शोक व्यक्त केलाय. ‘केके यांच्या निधनाने मी दु:खी असल्याचे त्यांनी लिहिलं आहे. अनेक प्रकारच्या भावना त्यांच्या गाण्यातून व्यक्त झाल्या. ते सर्व वयोगटातील लोकांशी जोडले जायचे. त्यांच्या गाण्यांसाठी ते कायम स्मरणात राहतील. त्यांच्या कुटुंबाप्रती माझ्या संवेदना.’

उपराष्ट्रपती एम व्यंकय्या नायडू, गृहमंत्री अमित शहा, केंद्रीय मंत्री अनुराग ठाकूर, हरियाणाचे मुख्यमंत्री मनोहर लाल खट्टर, कर्नाटकचे मुख्यमंत्री बसवराज बोम्मई, राजस्थानचे मुख्यमंत्री अशोक गेहलोत, राजस्थानच्या माजी मुख्यमंत्री वसुंधरा राजे, काँग्रेसचे प्रवक्ते रणदीप सुरजेवाला यांच्यासह अनेक नेत्यांनी केके यांच्या निधनाबद्दल शोक व्यक्त केला. केके यांच्या मृत्यूची बातमी मिळताच पश्चिम बंगाल सरकारचे मंत्री अरुप विश्वास रुग्णालयात पोहोचले आणि त्यांनी डॉक्टरांशीही चर्चा केली.

माजी क्रिकेटपटू वीरेंद्र सेहवागसह क्रीडा जगतातील अनेक दिग्गजांनीही केकेच्या निधनावर शोक व्यक्त केलाय आणि कुटुंबाला हे नुकसान सहन करण्याची शक्ती देण्याची प्रार्थना केली आहे. केके यांच्या निधनाबद्दल राहुल राम यांनी फेसबुकवर पोस्ट करत ही बातमी हृदयद्रावक असल्याचं वर्णन केलं आहे.

बॉलिवूड स्टार्सनी शोक व्यक्त केला

केके यांच्या निधनाच्या बातमीने बॉलिवूडमध्येही शोककळा पसरली आहे. आवाजाचे जादूगार केके यांच्या निधनावर संगीत व्यक्तिमत्त्वांसह चित्रपट कलाकारांनीही तीव्र शोक व्यक्त केलाय. गायक जावेद अली म्हणतो की मला आश्चर्य वाटते. मला माझ्या व्यवस्थापकाकडूनही ही माहिती मिळाली आहे. माझा मॅनेजर केकेच्या मॅनेजरचा मित्र आहे. त्यांनी ही दु:खद बातमी दिली आहे.

केकेच्या जाण्याने गायक उदित नारायणही दुःखी झाले आहेत. ते म्हणतात की आधी लता दीदी गेल्या, मग बप्पी दा गेले आणि आता के.के. सिंगर इंडस्ट्रीज कोणाची नजर लागली माहित नाही. 53 जाण्याचं वय नव्हतं, मला आश्चर्य वाटते. मी खूप दुखी आहे. करण जोहर, कुमार सानू, वरुण ग्रोव्हर आणि बोमन इराणी यांनीही केके यांच्या निधनाबद्दल शोक व्यक्त केला आहे.

आर माधवन, अक्षय कुमार, शंकर महादेवन, अभिषेक बच्चन, श्रेया घोषाल, बाबुल सुप्रियो, फरहान अख्तर, जुबिन नौटियाल, राहुल वैद्य, प्रीतम, विशाल ददलानी यांनीही ट्विट करून केके यांच्या निधनाबद्दल शोक व्यक्त केलाय. नील नितीन मुकेश, रितेश देशमुख, मोहित चौहान आणि मालिनी अवस्थी यांनीही शोक व्यक्त केला असून, केके यांच्या निधनाने बॉलिवूड आणि संगीत जगताचे कधीही भरून न येणारे नुकसान आहे.

प्रीतम म्हणाले – सर्वात चांगलं व्यक्तिमत्व

केकेच्या मृत्यूवर प्रीतम यांनी सांगितलं की, माझा यावर विश्वास बसत नाही. ही बातमी अफवा असावी असं मला वाटतं. त्यांनी केकेला सर्वात चांगलं व्यक्तिमत्व म्हटलं आणि सांगितलं की त्याने कधीही कोणतेही व्यसन केले नाही. त्यांनी ज्या प्रकारचं संयमी जीवन जगलं, ही बातमी धक्कादायक आहे. तो नियमित शरीर तपासणी, नियमित ईसीजी करायचा. त्याचे बॉडी स्कॅनिंगही झालं असावं. हृदयात ब्लॉकेज असले तरी ते कसे पकडले नाही हेच समजत नाही. प्रीतम म्हणाली की मला आठवते की त्यांनाही कोविड होता, पण त्यांचा मृत्यू चा याच्याशी संबंध आहे का नाही हे ठाऊक नाही.

ते म्हणाले की, केकेसोबतची शेवटची भेट सहा महिन्यांपूर्वी झाली होती. रेकॉर्डिंगच्या वेळी आम्ही स्टुडिओमध्ये भेटलो. केकेशी फोनवर कधीच जास्त बोललो नाही. आम्ही दोघांनीही आमची कारकीर्द जवळपास एकाच वेळी सुरू केली. मला आठवते की मी गॅलेक्सीच्या स्टुडिओमध्ये त्यांना ‘अलविदा’ म्हणले होते आणि मी जे काही चित्रपट रेकॉर्ड करेन त्यासाठी तू गाणार आहेस. प्रीतमने सांगितलं की, तो नेहमी म्हणायचा, दादा, तुम्ही किती अस्वस्थ आयुष्य जगता. तुम्ही सकाळी झोपा हे योग्य नाही. ते एक पूर्ण कौटुंबिक माणूस होता. त्यांनी आयुष्यात कधीही ताण घेतला नाही.

रोमँटिक ते पार्टी गाण्यांपर्यंत, केकेने सर्व काही गायले

केके हा बॉलीवूडचा टॉप-क्लास गायक होते ज्यांनी अनेक भाषांमध्ये गाणी गायली आहेत आणि ज्यांच्या मधुर आवाजानं नेहमीच सर्वांच्या हृदयावर राज्य केलं होतं. 90 च्या दशकात ‘यारो’ गाण्यापासून यशाच्या पायऱ्या चढलेल्या केकेने रोमँटिक ते पार्टी गाण्यांपर्यंत सर्व काही गायलं आहे. मात्र आता त्यांच्या निधनामुळं बॉलिवूडमध्ये शोककळा पसरली आहे.

केके हे बॉलिवूडचे असे गायक होते, ज्यांची गाणी कधीच जुनी झाली नाहीत. खुदा जाने हो, इट्स द टाइम टू डिस्को आणि कोई कहते कहता रहे यासारखी रोमँटिक गाणी आणि तडप तडप के इस दिल से सारखी सारखी दु:खी गाणी त्यांनी गायली. केके त्यांच्या चाहत्यांच्या खूप आवडत्या गाण्यांपैकी ‘यारों’ची खूप चर्चा झाली. याशिवाय सलमान खान, अजय देवगण आणि ऐश्वर्या राय यांच्या ‘हम दिल दे चुके सनम’ या चित्रपटातील ‘तडप तडप के इस दिल’ या गाण्याने अनोखी छाप सोडली.

केकेने ‘बचना-ए हसीनो’ चित्रपटातील ‘खुदा जाने’, ‘काइट्स’ चित्रपटातील ‘जिंदगी दो पल की’, ‘जन्नत’ चित्रपटातील ‘जरा सा’, ‘गँगस्टर’ चित्रपटातील ‘तू ही मेरी शब है’, गायले आहे. शहरुख खानचा चित्रपट ओम शांती ओमचे गाणे ‘आँखों में तेरी अजब सी’, याशिवाय बजरंगी भाईजानमधील ‘तू जो मिला’, ‘इक्बाल’ चित्रपटातील ‘अशायेन’ आणि अजब प्रेम की गजब कहानी चित्रपटातील ‘मैं तेरा धडकन तेरी’ हे गाणे सर्वाधिक गाजले.

न्यूज अनकट प्रतिनिधी: ईश्वर वाघमारे