तुमच्याकडे कार असो किंवा बाईक, 1 एप्रिलपासून या धक्क्यासाठी राहा तयार

Car Insurance Premium, 8 मार्च 2022: केंद्रीय रस्ते वाहतूक मंत्रालयाने वाहनांच्या विविध श्रेणींसाठी थर्ड-पार्टी मोटर विम्याच्या प्रीमियममध्ये वाढ करण्याचा प्रस्ताव दिला आहे. यामुळे 1 एप्रिलपासून कार आणि दुचाकींच्या विम्याच्या किंमतीत वाढ होण्याची शक्यता आहे.

कारमालकांचा खिसा होणार मोकळा

मंत्रालयाने प्रस्तावित केलेल्या सुधारित दरानुसार, 1,000 सीसी खाजगी कारसाठी थर्ड पार्टी इन्शुरन्सचा दर 2,094 रुपये असेल. 2019-20 पासून हा दर 2072 रुपये होता. त्याचप्रमाणे, 1,000 सीसी ते 1,500 सीसी पर्यंतच्या खाजगी कारसाठी, दर 3,221 रुपयांवरून 3,416 रुपयांपर्यंत वाढेल. 1,500 सीसी वरील कारसाठी, दर 7,890 रुपयांवरून 7,897 रुपयांपर्यंत वाढेल.

दुचाकी वाहनांसाठी हा दर असेल

150 सीसी ते 350 सीसी मधील बाइकसाठी प्रीमियम 1,366 रुपये असेल. 350 सीसीपेक्षा जास्त बाईकसाठी प्रीमियम 2,804 रुपये असेल.

कोविड-19 मुळे दोन वर्षांपासून वाढवले ​​गेले नाहीत प्रीमियम

कोविड-19 महामारीमुळे, थर्ड पार्टी इन्शुरन्स पॉलिसींच्या प्रीमियममध्ये दोन वर्षांपासून कोणतीही वाढ झालेली नाही. प्रीमियममध्ये ही प्रस्तावित वाढ 1 एप्रिल 2022 पासून लागू होईल.

पूर्वी IRDAI दर सूचित करत असे

पूर्वी विमा नियामक IRDAI थर्ड पार्टी इन्शुरन्सचे दर सूचित करत असे. प्रथमच, परिवहन मंत्रालय विमा नियामकाशी सल्लामसलत केल्यानंतर थर्ड-पार्टी इन्शुरन्सचे दर अधिसूचित करेल.

इलेक्ट्रिक कार मालकांना फायदा

मसुद्याच्या अधिसूचनेनुसार, इलेक्ट्रिक खाजगी कार, इलेक्ट्रिक दुचाकी, वस्तू वाहून नेण्यासाठी इलेक्ट्रिक व्यावसायिक वाहने आणि इलेक्ट्रिक प्रवासी वाहनांवर 15 टक्के सवलत प्रस्तावित आहे.

हायब्रीड इलेक्ट्रिक वाहनांसाठी थर्ड पार्टी इन्शुरन्स प्रीमियमच्या दरावर 7.5 टक्के सूट दिली जाते. पर्यावरणपूरक वाहनांच्या वापराला प्रोत्साहन देण्यासाठी हा प्रस्ताव आहे.

थर्ड पार्टी इन्शुरन्स कव्हर आवश्यक

तुमचे नुकसान भरून काढणाऱ्या विमा संरक्षणासोबतच थर्ड पार्टी इन्शुरन्स कव्हर देखील आवश्यक आहे. हे विमा संरक्षण रस्ता अपघातात होणारे कोणतेही संपार्श्विक नुकसान कव्हर करते. मंत्रालयाने मार्च अखेरीस मसुदा अधिसूचनेवर सूचना मागवल्या आहेत.

न्यूज अनकट प्रतिनिधी: ईश्वर वाघमारे