कॅप्टन अमरिंदर सिंग भाजपात प्रवेश करणार?; दिल्लीत केंद्रीय गृहमंत्री अमित शाहांची घेतली भेट

नवी दिल्ली, 30 सप्टेंबर 2021: पंजाबचे माजी मुख्यमंत्री कॅप्टन अमरिंदर सिंग बुधवारी संध्याकाळी अचानक भाजप नेते आणि केंद्रीय गृहमंत्री अमित शहा यांची भेट घेण्यासाठी त्यांच्या निवासस्थानी पोहोचले.  दोन्ही नेत्यांमध्ये झालेल्या भेटीनंतर, कॅप्टन काँग्रेस सोडून भाजपमध्ये जाणार की नाही, अशी अटकळ सुरू झाली आहे.  मात्र, भगव्या पक्षात सामील होण्याचा मार्ग कॅप्टनसाठी सोपा नाही.

 सुमारे 45 मिनिटे चाललेल्या दिल्लीत अमित शहा यांच्या भेटीनंतर चर्चांना उधाण आलं आहे.  मात्र, कॅप्टन अमरिंदर यांच्यासाठी भारतीय जनता पक्षात सामील होणं हा सोपा निर्णय होणार नाही.

 कॅप्टन यांची भाजपमध्ये सामील होण्याची शक्यता कमी आहे कारण पंजाबमध्ये मुख्यमंत्रिपदाच्या कारकिर्दीत आणि गेल्या एक वर्षापासून ते केंद्राला तीनही कृषी कायदे मागं घेण्यास वारंवार सांगत आहेत.  ते नेहमी कृषी कायद्याच्या विरोधात होते.

कॅप्टन यांनी दिली बैठकीबद्दल माहिती

 केंद्रीय गृहमंत्री अमित शहा यांची भेट घेतल्यानंतर माजी मुख्यमंत्री कॅप्टन अमरिंदर सिंग यांनी ट्विट केलं की, शेतकऱ्यांच्या आंदोलनाबाबत चर्चा झाली आहे. त्यांनी ट्विट करून सांगितलं की, त्यांनी दिल्लीत केंद्रीय गृहमंत्री अमित शाह जी यांची भेट घेतली.  कृषी कायद्यांविरूद्ध दीर्घकाळ चाललेल्या शेतकरी आंदोलनावर चर्चा केली आणि त्यांना पीक विविधीकरणात पंजाबला पाठिंबा देण्याबरोबरच कृषी कायदे रद्द करावे आणि एमएसपीच्या हमीसह संकट त्वरित सोडवावं असं आवाहन केलं.

 कॅप्टन लवकरच शहा यांना पुन्हा भेटेल

 सूत्रांनी दिलेल्या माहितीनुसार, कॅप्टन अमरिंदर सिंग आणि अमित शाह यांच्यात शेतकऱ्यांसाठी कृषी कायद्याच्या मुद्द्यावर अनेक गोष्टी स्पष्ट करण्यात आल्या आहेत, ज्यासाठी ब्लू प्रिंट तयार करण्यास सहमती देण्यात आली आहे.  यासोबतच, कॅप्टन अमरिंदर यांनी अमित शहा यांना आग्रह केला आहे की, आगामी धान पिकासंदर्भात शेतकऱ्यांना कोणतीही अडचण येऊ नये.  माजी मुख्यमंत्री अमरिंदर सिंग यांनी पंजाबसाठी लवकरच सीसी मर्यादा जाहीर करण्याविषयी बोलले आहे, जेणेकरून शेतकऱ्यांना देयकासाठी कोणत्याही समस्येला सामोरं जावं लागणार नाही आणि मंडईंमधून पीक सहज उचलता येईल.

न्यूज अनकट प्रतिनिधी: ईश्वर वाघमारे