झेलेन्स्की म्हणाले- पुतिनशी चर्चेसाठी तयार, युद्ध थांबले नाही तर तिसरे महायुद्ध अटळ

Ukraine Russia War, 21 मार्च 2022: युक्रेनवर रशियाचे हल्ले सुरूच आहेत. दरम्यान, युक्रेनचे राष्ट्राध्यक्ष वोलोडिमिर झेलेन्स्की यांनी मोठा दावा केला आहे. रशियाचे अध्यक्ष व्लादिमीर पुतिन यांच्याशी चर्चेसाठी तयार असल्याचे झेलेन्स्की यांनी म्हटले आहे. पण जर चर्चा अयशस्वी झाली, तर तिसरे महायुद्ध होईल.

रशियाकडून सातत्याने हल्ले होत असताना युक्रेनच्या राष्ट्राध्यक्षांचे हे वक्तव्य आले आहे. यापूर्वी झेलेन्स्की यांनी रशियाचे अध्यक्ष पुतीन यांना युद्ध थांबवण्यासाठी थेट चर्चा करण्याचे आवाहन केले होते.

रशियाने आर्मी स्कूलवर बॉम्ब टाकला

यापूर्वी रशियाने मारियुपोल शहरातील एका शाळेच्या इमारतीवर जोरदार बॉम्बफेक केली होती. युक्रेनचा आरोप आहे की या शाळेत 400 युद्धग्रस्तांनी आश्रय घेतला होता. रशियन क्षेपणास्त्रे इमारतीवर आदळताच इमारत कोसळली. या हल्ल्यात इमारतीत उपस्थित 400 लोक गाडले गेल्याची भीती व्यक्त करण्यात येत आहे.

मारियुपोल हे अझोव्ह समुद्राजवळील युक्रेनचे बंदर शहर आहे. त्याला चारही बाजूंनी रशियन सैनिकांनी वेढले आहे. हे शहर रशियाने युक्रेनच्या उर्वरित भागापासून तोडले आहे. येथे काही लोक बंकरमध्ये लपून बसले असून, त्यांच्यावर जोरदार हल्ला होत आहे.

रशियन सैन्याने अनेक शहरांना लक्ष्य केले

रशियन सैन्य मारियुपोल ते कीव, खार्किव आणि डोनेस्तक ते लुहान्स्क पर्यंत बॉम्बफेक करत आहे. युक्रेनची स्थानिक माध्यमे आणि प्रशासकीय अधिकाऱ्यांकडून प्रसिद्ध होत असलेल्या छायाचित्रांमध्येही तेथील लोकांची अवस्था दयनीय दिसते.

युक्रेनचे अध्यक्ष वोलोडिमिर झेलेन्स्की यांच्या म्हणण्यानुसार, रशिया मारियुपोलमध्ये वॉर क्राईम करत आहे. तेथील जनतेवर अन्याय होत आहे. रशियाचा हा अत्याचार जग सदैव लक्षात ठेवेल, असे झेलेन्स्की म्हणाले.

न्यूज अनकट प्रतिनिधी: ईश्वर वाघमारे