जगातील आठ आश्चर्याच्या यादीमध्ये स्टॅच्यू ऑफ युनिटीचा समावेश

नवी दिल्ली: शांघाय कॉर्पोरेशन ऑर्गनायझेशन (एससीओ) ने एससीओच्या आठ आश्चर्याच्या यादीमध्ये स्टॅच्यू ऑफ युनिटीचा समावेश केला आहे. परराष्ट्रमंत्री एस जयशंकर यांनी ट्विट करून याबाबत माहिती दिली. परराष्ट्रमंत्र्यांनी लिहिले की “सदस्य देशांमध्ये पर्यटनाला चालना देण्यासाठी एससीओच्या प्रयत्नाचे मी कौतुक करतो. एससीओच्या आठ आश्चर्याच्या यादीमध्ये स्टॅच्यू ऑफ युनिटीचा समावेश आहे. ते नक्कीच प्रेरणा देईल.”

एससीओच्या आठ आश्चर्याच्या यादीमध्ये स्टॅच्यू ऑफ युनिटीच्या समावेशाचा अर्थ असा आहे की आता एससीओ स्वत: स्टॅच्यू ऑफ युनिटीला प्रोत्साहन देईल, सदस्य देशातील जगातील सर्वात उंच पुतळा आहे. अनावरणानंतर केवळ एका वर्षानंतर, दररोज स्टॅच्यू ऑफ युनिटीला भेट देणाऱ्या पर्यटकांची संख्या अमेरिकेच्या १३३ वर्ष जुन्या लिबर्टी पुतळ्यापेक्षा जास्त आहे. गुजरातमधील स्मारकात दररोज सरासरी १५,००० हून अधिक पर्यटक येत असतात.

सरदार सरोवर नर्मदा निगम लिमिटेड यांनी डिसेंबर २०१९ मध्ये दिलेल्या निवेदनात म्हटले आहे की, १ नोव्हेंबर, २०१८ ते ३१ ऑक्टोबर २०१९ पर्यंत पहिल्या वर्षी आणि आता दुसर्‍या वर्षाच्या पहिल्या महिन्यात दररोज भेट देणाऱ्या संख्येत सरासरी ७४ टक्के वाढ झाली आहे. दररोज सरासरी पर्यटकांची संख्या १५०३६ पर्यटकांपर्यंत वाढली आहे. “शनिवार व रविवारच्या दिवसात ती वाढून २२,४३० झाली आहे,” असे निवेदनात म्हटले आहे. अमेरिकेच्या न्यूयॉर्कमध्ये स्टॅच्यू ऑफ लिबर्टी पाहण्यासाठी दररोज १०,००० पर्यटक येतात. ”

स्टॅच्यू ऑफ युनिटी हा देशातील पहिले गृहमंत्री सरदार वल्लभभाई पटेल यांचा १८२ मीटर उंच पुतळा आहे. हा जगातील सर्वात उंच पुतळा आहे. गुजरातमधील केवडिया कॉलनीत नर्मदा नदीवरील सरदार सरोवर धरणाजवळ हा पुतळा आहे. भारतीय शिल्पकार राम व्ही सुतार यांनी याची रचना केली आहे. सन २०१० मध्ये या प्रकल्पाची प्रथम घोषणा करण्यात आली. याचे अनावरण पंतप्रधान नरेंद्र मोदी यांनी ३१ ऑक्टोबर २०१८ रोजी केले होते.