नवी दिल्ली, दि. १९ मे २०२०: लॉकडाऊनमध्ये अडकलेल्या प्रवासी मजुरांसाठी बस चालविण्याबाबत कॉंग्रेस सरचिटणीस प्रियांका गांधी आणि मुख्यमंत्री योगी आदित्यनाथ यांच्यातील संघर्ष वाढत आहे. मंगळवारी प्रियंका गांधी यांच्या वतीने आग्राच्या सीमेवर बस उपलब्ध करण्याचे काम सुरू झाले आहे. प्रियंका गांधी यांचे खाजगी सचिव संदीप सिंह यांनी मंगळवारी दुपारी १२ वाजता उत्तर प्रदेशचे मुख्य सचिव अवनीश अवस्थी यांना पत्र लिहून सांगितले की जास्त बसमुळे त्यांचा परमिट मिळण्यास थोडा वेळ लागत आहे, पण संध्याकाळी ५ वाजेपर्यंत सर्व बस उत्तर प्रदेशच्या सीमेवर पोचवल्या जातील.
प्रियंका यांचे सेक्रेटरी संदीप सिंह यांनी लिहिलेल्या पत्रात म्हटले आहे की, आम्हाला मंगळवारी ११.०५ वाजता तुमचे पत्र मिळाले आहे. या संदर्भात मला म्हणायचे आहे की आमच्या काही बसेस राजस्थानहून तर काही बसेस दिल्लीहून येत आहेत. त्यांच्यासाठी पुन्हा परवानग्या घेण्याची प्रक्रिया सुरू आहे. बसेसची संख्या जास्त असल्यामुळे यास काही तास लागतील. सायंकाळी ५ वाजेपर्यंत या सर्व बस गाझियाबाद आणि नोएडा सीमेवर पोहचतील. संध्याकाळी पाच वाजेपर्यंत प्रवाशांची यादी व मार्गाचा नकाशा तयार होईल जेणेकरून या कार्यात आम्हाला कोणताही आक्षेप घेऊ नये.
प्रियांका गांधी यांनी प्रवासी कामगारांसाठी १००० बस पाठविण्यासाठी राज्य सरकारकडे परवानगी मागितली होती. उत्तर प्रदेश सरकार त्यांना बस चालवू देत नाही, असा त्यांचा आरोप आहे. त्याचवेळी योगींच्या सल्लागाराने असा आरोप केला आहे की, काँग्रेसकडून बसची माहिती मागितली गेली होती, त्यामध्ये बाईक-कार आणि ऑटोचे नंबर होते.
१६ मे रोजी कॉंग्रेस सरचिटणीस प्रियांका गांधी म्हणाल्या होत्या की देशभरात न खाता-पिता व दिवसभर चालून स्थलांतरित मजूर सर्व समस्यांना तोंड देत आपापल्या घरी निघाले आहेत. यूपीच्या प्रत्येक सीमेवर बरेच कामगार आहेत. अशा परिस्थितीत प्रियांकाने प्रवासी कामगारांसाठी १००० बस पाठविण्यास राज्य सरकारची परवानगी मागितली. उत्तर प्रदेश सरकार त्यांना बस चालवू देत नाही, असा त्यांचा आरोप आहे. त्याचवेळी योगींनी आरोप केला की, बसेसचा तपशील काँग्रेसकडून मागितला गेला होता, परंतु तो त्यांना देण्यात आला नाही.
न्यूज अनकट प्रतिनिधी
