जगातील सर्वात मोठी सोशल मीडिया कंपनी फेसबुकने भारतातील आदिवासी महिलांना तांत्रिकदृष्ट्या प्रशिक्षण देण्यासाठी डिजिटल बेटी मोहीम सुरू केली आहे. या मोहिमेमध्ये फेसबुक भारत सरकारची मदत घेईल.
त्याअंतर्गत ग्रामीण भागातील आणि आदिवासी महिलांना इंटरनेटविषयी माहिती देण्यात येणार असून त्यांना डिजिटल साक्षर केले जाईल. नवी दिल्ली येथे आयोजित इंडिया मोबाइल काँग्रेस २०१९ मध्ये फेसबुकने या मोहिमेची माहिती दिली.
फेसबुकच्या डिजिटल बेटी योजनेंतर्गत आदिवासी महिला तांत्रिकदृष्ट्या रोजगारासाठी पात्र ठरतील. याशिवाय त्यांना ऑनलाइन सुरक्षा व गोपनीयतेविषयी माहितीही देण्यात येणार आहे. या मोहिमेसाठी फेसबुक भारत सरकारच्या मदतीने कॉमन सर्व्हिस सेंटर (सीएससी) चे ५००० ग्रामीण पातळीवरील उद्योजक (व्हीएलई) निवडेल.
जम्मू-काश्मीर, उत्तर प्रदेश, राजस्थान, छत्तीसगड, झारखंड, तेलंगणा, बिहार, केरळ, महाराष्ट्र आणि तमिळनाडू या शहरांसह देशातील दहा शहरांत निवडणूक होणार आहे. डिजिटल बेटी योजनेंतर्गत ३००० गावांमधील २.५ लाख ग्रामीण उद्योजकांना प्रशिक्षण दिले जाईल.
