महोबामध्ये मजुरांनी भरलेला ट्रक पलटी, ३ जणांचा मृत्यू

महोबा (यु पी), दि. १९ मे २०२०: उत्तर प्रदेशमधील महोबा जिल्ह्यात प्रवासी मजुरांनी भरलेला ट्रक अनियंत्रितपणे पलटी झाला. ट्रकमध्ये ३ महिलांचा मृत्यू झाला, तर डझनहून अधिक लोक जखमी झाले. पोलिस घटनास्थळी दाखल झाले आहेत. मदत-बचाव काम प्रगतीपथावर आहे. पानवाडी पोलीस स्टेशन परिसरातील झाशी-मिर्झापूर महामार्गाच्या महुआ डायव्हर्जन येथे हा अपघात झाला.

ट्रकमध्ये १७ लोक होते असे पोलिसांनी सांगितले. ट्रक चा टायर फुटल्याने हा अपघात झाल्याचे पोलिसांनी सांगितले. क्रेनच्या सहाय्याने ट्रक मधील सामान बाजूला काढून मजुरांना बाहेर काढण्यात आले आहे. यात तीन महिलांचा जागीच मृत्यू झाला.

मीडिया रिपोर्टनुसार सोमवारी प्रवासी मजुरांनी भरलेला ट्रक येत होता. टायर फुटल्याने महुआ जवळ चालकाचा तोल बिघडला आणि तो अनियंत्रित झाला. घटनेची माहिती मिळताच पोलिस प्रशासन घटनास्थळी पोहोचले. सर्व जखमींना उपचारासाठी रुग्णालयात पाठविण्यात आले आहे.

शनिवारी यापूर्वी औरैया जिल्ह्यात एक वेदनादायक रस्ता अपघात झाला होता. राजस्थानहून येत असलेल्या एका ट्रकने डीसीएमला धडक दिली. या अपघातात सुमारे २५ स्थलांतरित कामगार ठार झाले आणि ३० हून अधिक लोक जखमी झाले.

न्यूज अनकट प्रतिनिधी