२९ जुलैला भारतात येणार ५ राफेल लढाऊ विमाने

नवी दिल्ली, दि. २१ जुलै २०२०: २९ जुलै हा भारतीय हवाई दलासाठी खास दिवस ठरणार आहे. अशी अपेक्षा आहे की या दिवशी भारताला राफेल लढाऊ विमानांचा पुरवठा होईल. त्याच दिवशी, ते अंबाला हवाई दल स्थानकातील हवाई दलात समाविष्ट केले जाईल.

तथापि, २९ जुलै रोजी हवामान कसे असेल हे जाणून घेणे महत्वाचे आहे. या दिवशी हवामानाची भूमिका महत्त्वपूर्ण असेल. पावसाळ्यामुळे सध्या उत्तर भारतात पाऊस पडत आहे.

२९ जुलै ला येणार ५ राफेल

२९ जुलै रोजी भारतीय हवाई दलामध्ये पाच राफेल लढाऊ विमाने येणार आहेत. हे लढाऊ विमाने भारतामध्ये आल्यानंतर २० ऑगस्ट रोजी एका समारंभा दरम्यान त्यांना हवाई दलामध्ये सामील करून घेतले जाईल.

हवाई दलाच्या अधिकाऱ्यांचे सखोल प्रशिक्षण

भारतीय वायुसेनेने असे सांगितले आहे की, भारतीय वायुसेनेच्या अधिका-यांनी राफेलची तांत्रिक गुंतागुंत समजण्यासाठी विस्तृत प्रशिक्षण घेतले आहे. हवाई दलातील अधिकाऱ्यांनी राफेल लढाऊ विमानाच्या उच्च मारक क्षमतेचा सखोल अभ्यास केला आहे आणि आता त्यावर काम करण्यास ते पूर्णपणे तयार आहेत. हवाई दलाच्या म्हणण्यानुसार, राफेल येताच विमान लवकरात लवकर ऑपरेशन स्तरावर आणण्यासाठी प्रयत्न केले जातील, म्हणजेच या विमानाचा उपयोग वेगवेगळ्या उद्देशाने करता येईल.

येत्या २ वर्षात भारताला ३६ राफेल मिळणार

येत्या दोन वर्षांत भारताला फ्रान्समधून दोन खेपांमध्ये ३६ राफेल विमान मिळणार आहेत. वायुसेनेच्या सूत्रांनी दिलेल्या माहितीनुसार, पहिले पथक (स्क्वाड्रन) अंबाला तळापासून पश्चिम कमांडसाठी काम करणार आहे, तर दुसरे स्क्वाड्रन पश्चिम बंगालमधील हशिमारा हवाई दल बेसमध्ये पूर्व टोकाला असलेल्या कोणत्याही चीनी धोक्याचा सामना करण्यासाठी तैनात केला जाईल.

पोटेंट मेट्योर आणि स्कॅल्प क्षेपणास्त्र प्रणालीने सुसज्ज

राफेल लढाऊ विमान पोटेंट मेट्योर आणि स्कॅल्प क्षेपणास्त्र प्रणालीने सुसज्ज आहे. यामुळे भारतीय हवाई दलाची मारक क्षमता मोठ्या प्रमाणात वाढेल. पोटेंट मेट्योर हे क्षेपणास्त्र हवेतून हवेत मारा करण्याच्या प्रणालीने सुसज्ज आहे जे शत्रू विमानांना हवेमध्येच लक्ष करते व नष्ट करते, तर स्कॅल्प हे लांब पल्ल्याचे क्रूझ क्षेपणास्त्र आहे. हे या विमानातूनच प्रक्षेपित केले जाऊ शकते, हे क्षेपणास्त्र आत जाऊन शत्रूच्या स्थिर आणि गतिशील लक्ष्यांवर हे प्रवेश करू शकते.

न्यूज अनकट प्रतिनिधी