नवी दिल्ली, दि. ९ मे २०२०: गंगा नदीचे पाणी कोविड -१९ रूग्णांवर उपचार करण्यासाठी वापरता येऊ शकते किंवा नाही याबाबत संशोधन करण्याचा भारतीय जलसंपदा मंत्रालयाने केलेला प्रस्ताव भारतीय वैद्यकीय संशोधन परिषदेने फेटाळला आहे, अशी माहिती पीटीआयने गुरुवारी दिली. उच्च वैद्यकीय मंडळाने म्हटले आहे की अभ्यास सुरू करण्यासाठी या विषयावर पुरेसे पुरावे उपलब्ध नाहीत.
नद्यांच्या कायाकल्प कार्यक्रमासंदर्भात जलसंपदा मंत्रालयाची एक शाखा असलेल्या राष्ट्रीय स्वच्छ गंगा या संस्थेला या विषयावर क्लिनिकल अभ्यास करण्याचे अनेक प्रस्ताव आले होते, अशी माहिती अज्ञात अधिका-यांनी वृत्तसंस्थेला दिली. हे प्रस्ताव गेल्या महिन्यात आयसीएमआरकडे पाठविण्यात आले होते.
मंत्रालयाच्या अधिकाऱ्यांनी असा दावा केला की या प्रस्तावांवर राष्ट्रीय पर्यावरण अभियांत्रिकी संशोधन संस्थेच्या वैज्ञानिकांशी चर्चा झाली, ज्यांनी यापूर्वी ‘नमामि गंगे’ कार्यक्रमांतर्गत गंगेचे “विशेष गुणधर्म” समजण्यासाठी अभ्यास केला होता.
आयसीएमआरच्या संशोधन प्रस्तावांचे मूल्यांकन करण्यासाठी समितीचे अध्यक्ष असलेले डॉ. वाय.के. गुप्ता यांनी वृत्तसंस्थेशी बोलताना सांगितले की, सध्या या प्रस्तावांना वैज्ञानिक माहिती, संकल्पनेचा पुरावा आणि मजबूत पार्श्वभूमीची गृहीतकांची आवश्यकता आहे.
प्राप्त झालेल्या प्रस्तावांपैकी एकाने असा दावा केला आहे की गंगेच्या पाण्यात “निन्जा व्हायरस” आहे, ज्यास शास्त्रज्ञ बॅक्टेरियोफेज म्हणतात. दुसर्या प्रस्तावात असे म्हटले आहे की पवित्र नदीतील पाण्यामुळे रोग प्रतिकारशक्ती वाढली आहे. तिसर्या प्रस्तावामध्ये सविस्तरपणे नदीतून पाण्याच्या अँटी-व्हायरल गुणधर्मांवर अधिक संशोधन करण्याची मागणी केली गेली.
न्यूज अनकट प्रतिनिधी
