बडगाममध्ये लष्कर-ए-तैयबा चा दहशतवादी वसीम गनीसह ४ जणांना अटक

जम्मू-काश्मीर, दि. २४ मे २०२०: जम्मू-काश्मीरमध्ये बडगाम पोलिस आणि भारतीय सैन्याच्या ५३ आर आर ने संयुक्तपणे लष्कर – ए – तैयबाचा अव्वल दहशतवादी वसीम गनी यासह ४ दहशतवाद्यांना अटक केली आहे. हा गट परिसरातील दहशतवाद्यांना आश्रय देण्यास आणि तार्किक सहाय्य करण्यात गुंतला होता. जम्मू-काश्मीर पोलिसांनी याबाबत माहिती दिली.

मिळालेल्या माहितीनुसार, बडगाम जिल्ह्यातील बिरवा भागात रविवारी झालेल्या संयुक्त कारवाईत स्थानिक पोलिस आणि भारतीय सैन्याच्या ५३ आर आर नी ही कामगिरी केली. सुरक्षा दलाने परिसरातील सर्च ऑपरेशनद्वारे या चार दहशतवाद्यांना अटक केली आहे.

यामध्ये लष्कर-ए-तैयबाच्या साथीदार वसीम गनीला अटक करण्यात आली. त्याचवेळी या कारवाईत आणखी तीन दहशतवाद्यांना अटक करण्यात आली आहे. हे लोक परिसरातील दहशतवाद्यांना राहण्याची सोय करत होते .

सुरक्षा दलांवर हल्ल्याची तयारी

जम्मू-काश्मीरमध्ये दहशत पसरवण्यासाठी पाकिस्तान सतत प्रयत्न करत आहे. अलीकडेच पाकिस्तान एक समर प्लान योजना तयार करीत असल्याची माहिती मिळाली आहे, त्यामध्ये लष्कर आणि जैश-ए-मोहम्मद यांच्या बॅनरखाली दहशतवादी योजना आखण्याची तयारी सुरू आहे. सूत्रांनी दिलेल्या माहितीनुसार, पाकिस्तान येत्या १० दिवसांत सुरक्षा दलांवर मोठ्या हल्ल्याची तयारी करत आहे.

सूत्रांच्या म्हणण्यानुसार नियंत्रण रेषेच्या जवळील भागात लष्कर, हिजबुल आणि अल-बद्र अतिरेक्यांचा मेळावा आहे. दहशतवाद्यांनी लाँच पॅड तयार केला आहे. लष्करचे १६ दहशतवादी माचिल सेक्टरच्या दुसर्‍या बाजूला पीओकेकडून घुसखोरीची तयारी करत आहेत. लष्कर आणि अल बद्रचे ११ दहशतवादी तांगधार सेक्टरच्या दुसर्‍या बाजूला असलेल्या लाँच पॅडच्या माध्यमातून भारतात दोन स्वतंत्र गटात घुसखोरी करण्याचा प्रयत्न करीत आहेत.

न्यूज अनकट प्रतिनिधी