रायगड इमारत दुर्घटना: २६ तासांनंतर महिलेला जिवंत बाहेर काढण्यात यश

रायगड, २६ ऑगस्ट २०२०: रायगड, महाराष्ट्रातील पाच मजली इमारत पडल्यापासून ३६ तासांहून अधिक काळ लोटला आहे, परंतु अद्याप बचावकार्य सुरू आहे. रात्री उशिरा एका महिलेला जिवंत बाहेर काढण्यात आले. ही महिला २६ तास ढिगाऱ्यखाली अडकली होती. असे सांगितले जाते की एनडीआरएफच्या पथकाने मंगळवारी रात्री दहा वाजता महिलेला बाहेर काढले.

मिळालेल्या माहितीनुसार, मेहरुनिसा अब्दुल हम्दी काझी असे या महिलेचे नाव आहे. रात्री दहा वाजता एनडीआरएफ बचाव पथकाने तिला जिवंत बाहेर काढले. यानंतर घाईघाईने तिला रुग्णालयात दाखल करण्यात आले. तिची प्रकृती आता स्थिर आहे. या अपघातात ८ महिलांसह आतापर्यंत १४ लोकांचा मृत्यू झाला आहे.

अद्याप एक व्यक्तीचा शोध चालू आहे

बुधवारी सकाळी ८.१५ वाजता एनडीआरएफच्या अहवालानुसार एक व्यक्ती अद्याप बेपत्ता आहे. एनडीआरएफची टीम आली तेव्हा १७ लोक बेपत्ता होते, त्यापैकी १४ मृतदेह बाहेर काढण्यात आले आहेत, तर दोन (एक मूल आणि एक महिला) सुरक्षित बाहेर काढण्यात आले आहेत.

काय आहे संपूर्ण प्रकरण

सोमवारी रायगड जिल्ह्यातील महाड मध्ये तलावाच्या काठावरील पाच मजली इमारत कोसळली. आतापर्यंत तारिक बिल्डिंग नावाच्या या इमारतीच्या ढिगाऱ्यातून १४ मृतदेह काढण्यात आले आहेत. यात ६ पुरुष आणि ८ महिलांचा समावेश आहे. या इमारतीत ४० फ्लॅट होते. ज्यामध्ये ८४ लोक राहत असल्याचे सांगितले गेले.

२०१३ मध्ये इमारत बांधली गेली

रायगड जिल्हा दंडाधिकारी निधी चौधरी म्हणाल्या की, इमारतीचे बांधकाम वर्ष २०१३ मध्ये पूर्ण झाले. इमारत पूर्ण करण्याचे प्रमाणपत्र वर्ष २०१३ मध्येच देण्यात आले होते. इमारत कोसळण्यामागील जीर्ण अवस्थेस त्यांना जबाबदार धरले. या अपघातास जबाबदार असणार्‍यांवर कारवाई केली जाईल असे जिल्हा दंडाधिकाऱ्यांनी सांगितले होते.

बिल्डरसह पाच जणांवर एफआयआर

याप्रकरणी पोलिसांनी पाच जणांविरूद्ध कलम ३०४, ३३७, ३३८ आणि ३४ अन्वये गुन्हा दाखल केला आहे. इमारत बिल्डर फारुख काझी, आर्किटेक्ट गौरव शाह, इमारतीचे आरसीसी सल्लागार बाहुबली धामाने, महाड नगरपालिकेचे कार्यकारी दीपक झिंझार आणि इमारत निरीक्षक शशिकांत दिघे यांच्यावर आरोप केले आहेत.

न्यूज अनकट प्रतिनिधी