सावित्रीबाई फुले यांच्या जयंतीचे औचित्य साधत कोरोना योद्ध्यांचा सन्मान

पुणे, ३ जानेवारी २०२१ : आज सावित्रीबाई फुले यांचा जयंतीचे औचित्य साधत  कोरोना काळात अत्यावश्यक सेवा देणाऱ्या कर्मचारी वर्गाचा सत्कार आयोजित करण्यात आला होता.बी.ए.एस.संस्थान पुणे, दिशापरिवार चेरीटेबल-ट्रस्ट,रोटरी क्लब ऑफ पुणे फिनिक्स यांचा वतीने  या कार्यक्रमाचे आयोजन करण्यात आले होते.

कोविड काळात अत्यावश्यक सेवा देवून आपली जबाबदारी बजावणाऱ्या कोवीड योध्यांचा सन्मान सन्मानपत्र व पुष्गुच्छ देऊन यावेळी करण्यात आला.पुणे महानगरपालिका कामगार युनियन येथे या कार्यक्रमाचे आयोजन करण्यात आले होते.

पुणे म.न.पा. कामगार यूनियन (मान्यता प्राप्त) चे अध्यक्ष कॉ उदय भट, रोटरी क्लब ऑफ पुणे फिनिक्सच्या अध्यक्षा मानसी खुजरेकर, बी.ए.एस. संस्थान पुणे चे अध्यक्ष भारत ठोंबरे, डॉ. मिलिंद मुजुमदार हवामान संशोधन संस्थान (IITM), पाषाण पुणे,  दिशा परिवार चारीटेबल ट्रस्ट पुणेचे खजिनदार अरुण कुलकर्णी,  श्री राजेश नायर, प्रबन्धक (सीईओ) E&Y सॉफ्टवेर कंपनी, व कामगार युनियनचे पदाधिकारी, व सन्मानित करण्यात आलेले कोरोना योध्ये उपस्थित होते.

न्यूज अनकट प्रतिनिधी : ज्ञानेश्वरी आयवळे