कर्मयोगी कारखान्याचे वजन काटे बिनचुक, भरारी पथकाकडून पडताळणी

इंदापूर, ११ जानेवारी २०२१: कर्मयोगी शंकररावजी पाटील सहकारी साखर कारखान्याचे ऊस वजन काटे अचुक असलेचा दाखला भरारी पथक निरीक्षक वैधमापन शास्ञ विभाग यांच्या पथकाने आज दिला.

वैधमापन विभागाचे वजन मापे निरीक्षक यांच्या मार्गदर्शनाखाली व जिल्हाधिकारी कार्यालय पुणे यांच्या आदेशानुसार दि. ९ जानेवारी २०२१ रोजी दुपारी भरारी पथकाने अचानक कर्मयोगीच्या ऊस वजन काटयांची तपासणी श्री. एस. एन कव्हरे, वैधमापन निरीक्षक पुणे. श्री. एच. एस. शेख, वैधमापन निरीक्षक, इंदापूर विभाग या भरारी पथकाने केली.

संबंधित पथकातील प्रतिनिधींनी ऊसाच्या वजनासाठी वापरण्यात येत असलेले वजन काटे प्रमाणित असल्याबाबत फिरत्या वाहनांव्दारे कसून तपासणी करुन पडताळणी केली. त्यावेळी कर्मयोगीचे सर्व ऊस वजन काटे अचूक असल्याचे आढळून आले. त्यानंतर त्यांनी पडताळणी प्रमाणपञ कारखान्यास सादर केले.

कर्मयोगी शंकररावजी पाटील सहकारी साखर कारखान्याचे कामकाज सभासद व ऊस उत्पादक शेतकऱ्यांचे हित डोळयासमोर ठेवूनंच चालविले जाते. कर्मयोगी शंकररावजी पाटील (भाऊ) यांनी घालून दिलेल्या मार्गदर्शक तत्वानुसारंच कारखान्याचे कामकाज पारदर्शकपणे चालविले जाते. ऊस उत्पादकांचा कारखान्यावरील असलेला विश्वास हीच कर्मयोगी परिवारासाठी मोठी प्रेरणा असल्याचे कारखान्याचे वतीने कारखान्याचे चेअरमन तथा माजी सहकार व संसदीय कार्यमंञी मा.श्री. हर्षवर्धनजी पाटील, व्हाईस चेअरमन श्रीमती पद्माताई भोसले व संचालक मंडळ यांचे वतीने जाहीर करण्यात आले.

सदर पडताळणीमुळे पुन्हा एकवेळ कर्मयोगी कारखान्याने सभासदांची, ऊस उत्पादक सभासदांची विश्वासार्हता जपणूक करीत असल्याचे दाखवून दिले आहे. यावेळी कारखान्याचे कार्यकारी संचालक श्री. बाजीराव सुतार, मुख्य शेतकी अधिकारी एस.जी कदम, वर्क्स मॅनेजर ए.सी. पोरे, शेती अधिकारी के.एन. हिंगमिरे, केनयार्ड सुपरवायझर एस.जे. यादव, सर्व खातेप्रमुख, कर्मचारी तसेच संतोष पुंड, आबा करे हे ऊस उत्पादक सभासद यावेळी उपस्थित होते.

न्यूज अनकट प्रतिनिधी: निखिल कणसे