राज्यात कोरोनाचा विस्फोट, एकाच दिवसात ३० हजार प्रकरणे

मुंबई, २२ मार्च २०२१: गेल्या २४ तासांत, कोरोनाची ४३,८४६ नवीन प्रकरणे आढळली आहे, तर १९७ लोकांचा मृत्यू झाल्याची नोंद झालीय. त्याच वेळी, केवळ महाराष्ट्रात एका दिवसात ३०,५३५ नवीन प्रकरणे नोंदली गेली, तर ९९ जणांना आपला जीव गमवावा लागला. नागपूरमध्ये वाढत्या प्रकरणांमध्ये ३१ मार्चपर्यंत लॉक डाऊन लादण्यात आला आहे.

राज्यात कोरोनाचा वाढता आकडा

रविवारी महाराष्ट्रात ३०,५३५ नवीन कोरोना प्रकरणे आढळली आहेत, तर ९९ लोकांचा मृत्यू झालाय. राज्यात ९,६९,८६७ लोक क्वारंटाईन ठेवलेले आहेत आणि कोरोना सेंटरमध्ये ९,६०१ जण दाखल आहेत. महाराष्ट्रात एकूण २,१०,१२० सक्रिय प्रकरणे आहेत. काल ११,३१४ रुग्णांना सुट्टी देण्यात आली. राज्यात रीकव्हरीचा दर ८९.३२% आहे. महाराष्ट्रात एकूण २४,७९,६८२ लोक कोरोना पॉझिटिव्ह आहेत.

त्याचवेळी मुंबईत गेल्या २४ तासांत कोरोनाची ३,७७५ नवीन प्रकरणे आढळली. तर १० लोकांचा मृत्यू झाल्याचे आढळले. त्यातही १६४७ रुग्ण बरे झाले आहेत. नागपुरात ३६१४ नवीन प्रकरणे आढळली आणि ३२ लोकांचा मृत्यू झाला.

न्यूज अनकट प्रतिनिधी: ईश्वर वाघमारे