लवकरच सुरू होणार देशात ड्रोन टॅक्सी, रस्त्यांवरील जामपासून मिळणार सुटका

नवी दिल्ली, 29 सप्टेंबर 2021: बऱ्याचदा जेव्हा तुम्ही रस्त्यावर जबरदस्त जाममध्ये अडकता तेव्हा तुम्ही असा विचार करत असाल की माझी इच्छा आहे की मी उड्डाण करून माझ्या गंतव्यस्थानावर पोहोचू शकंन. पण, आता तुमचं स्वप्न साकार होऊ शकतं. सरकार देशात एअर टॅक्सी सुरू करण्याची तयारी करत आहे, जेणेकरून लोक कोणत्याही शहरात किंवा त्याच्या आसपासच्या भागात सहज प्रवास करू शकतील.

त्यामुळं पुढच्या काही वर्षांमध्ये, हे शक्य आहे की दिल्ली ते नोएडा किंवा फरीदाबाद, गुरुग्राम प्रवास तुम्हाला तासभरा ऐवजी मिनिटात शक्य होईल. नागरी उड्डयन (एमसीए) सचिव प्रदीप खरोला यांनी एका वृत्तवाहिनीशी केलेल्या विशेष संभाषणात या संदर्भात सुरू असलेल्या तयारीची माहिती दिली.

हे लक्षात घेण्यासारखं आहे की सरकारने ड्रोन नियम 2021 (Drone Rules 2021) गेल्याच महिन्यात अधिसूचित केले आहे. म्हणून जर सर्व काही ठीक झालं, तर तुम्हाला पुढील काही वर्षांत भारतात ड्रोन टॅक्सी किंवा एअर टॅक्सी उडताना दिसतील.

सरकारने आता देशात 500 किलो पर्यंत वजन उचलू शकणारे ड्रोन मंजूर केले आहेत. म्हणजेच, आता देशात असे ड्रोन बनवता येतील आणि त्यांचा व्यावसायिक वापरही येत्या काळात करता येईल, जे 5-6 लोकांना सहजपणे उडू शकतील.

कामाला सुरुवात

प्रदीप खरोला यांनी सांगितलं की ड्रोन टॅक्सीचं काम सुरू झालंय आणि ते निश्चितपणे सुरू होईल. आता ते किती लवकर सुरू होतं ते पाहणं महत्त्वाचं ठरेल. ज्या प्रकारे मॉडेल तयार केलं जात आहे, संशोधन केलं जात आहे, ते लवकरच होईल असं वाटतंय.

ते म्हणाले की ही उडणारी वाहनं अत्यंत सुरक्षित असतील. आम्हाला यासाठी नियमन तयार करावे लागेल, कारण तेथे प्रवाशांची वाहतूक होईल. या टॅक्सींमध्ये किती भाडं असू शकतं या प्रश्नावर ते म्हणाले की, हे निश्चित करणं कठीण काम असेल. आम्हाला उद्योग आणि सामान्य जनतेची काळजी घ्यावी लागंल.

एअर इंडियाची विक्री

एअर इंडियाच्या विक्री प्रक्रियेतील प्रगतीबद्दल विस्ताराने ते म्हणाले की, फाइनेंश‍ियल बिड प्राप्त झाली आहे, आता व्यवहार सल्लागार फाइनेंश‍ियल बिडच्या तांत्रिक बाबींचं विश्लेषण करत आहे. आता ही फाइनेंश‍ियल बिड उघडेल आणि त्यानंतर सरकार त्यावर निर्णय घेईल.

न्यूज अनकट प्रतिनिधी: ईश्वर वाघमारे