मुंबई, 5 फेब्रुवारी 2022: अनेक देशांमध्ये सुरू असलेल्या भारताच्या मोठ्या शोध मोहिमेत, मुंबई 1993 च्या साखळी बॉम्बस्फोट प्रकरणातील भारतातील मोस्ट वाँटेड दहशतवाद्यांपैकी एक अबू बकर याला पकडण्यात भारतीय यंत्रणांना यश आलंय. या स्फोटात मुंबईत वेगवेगळ्या ठिकाणी 12 बॉम्बस्फोट झाले. ज्यामध्ये 257 लोकांचा मृत्यू झाला होता तर 713 लोक जखमी झाले होते. मिळालेल्या माहितीनुसार, आता अटक करण्यात आलेला दहशतवादी अबू बकर याला UAE मधून भारतात आणण्यात येणार आहे.
अबू बकर असं पकडण्यात आलेल्या दहशतवाद्याचे नाव असून तो पीओकेमध्ये शस्त्रास्त्रं आणि स्फोटकांच्या प्रशिक्षणाशिवाय मालिका बॉम्बस्फोटात वापरलेले आरडीएक्स उतरवण्यात सहभागी होता. जो संयुक्त अरब अमिराती आणि पाकिस्तानमध्ये राहत होता. भारतीय एजन्सीच्या माहितीवरून त्याला नुकतंच यूएईमध्ये पकडण्यात आलं.
माहितीनुसार, याआधी 2019 मध्ये देखील अबू बकरला अटक करण्यात आली होती, परंतु काही कागदोपत्री प्रकरणांमुळं तो UAE अधिकाऱ्यांच्या ताब्यातून सुटका करण्यात यशस्वी झाला होता. उच्च सूत्रांनी पुष्टी केली आहे की, भारतीय एजन्सी अबू बकरच्या प्रत्यार्पणाच्या प्रक्रियेत आहेत, जो बर्याच काळापासून देशाच्या मोस्ट वॉन्टेड यादीत होता. जवळपास 29 वर्षांपासून वाँटेड असलेल्या बकरला UAE मधून परत आणल्यानंतर भारतात कायद्याला सामोरे जावे लागेल.
अबू बकर, ज्याचे पूर्ण नाव अबू बकर अब्दुल गफूर शेख आहे, मोहम्मद आणि जोधुद इब्राहिमचा मुख्य लेफ्टनंट मुस्तफा डोसा यांच्यासोबत तस्करीत सामील होता. तो आखाती देशांतून सोनं, कपडे आणि इलेक्ट्रॉनिक्स वस्तूंची मुंबई आणि नजीकच्या लँडिंग पॉइंटमध्ये तस्करी करत असे.
1997 मध्ये त्याच्या विरोधात रेड कॉर्नर नोटीस जारी करण्यात आली होती आणि तेव्हापासून त्याला पकडण्यासाठी शोधाशोध सुरू होती जी आता यूएईच्या सूत्रांनुसार यशस्वी झालीय. अबू बकरने इराणी नागरिकाशी लग्न केले आहे जी त्याची दुसरी पत्नी आहे.
न्यूज अनकट प्रतिनिधी: ईश्वर वाघमारे
