टाटांचा हा शेअर होणार रॉकेट, कंपनीला मिळाली 4000 कोटींची विदेशी गुंतवणूक!

मुंबई, 15 एप्रिल 2022: टाटा पॉवरची उपकंपनी असलेल्या टाटा पॉवर रिन्युएबल एनर्जी लिमिटेडला मोठी विदेशी गुंतवणूक मिळणार आहे. टाटा समूहाची कंपनी टाटा पॉवरने गुरुवारी शेअर बाजाराला सांगितले की, परदेशी गुंतवणूकदारांच्या समूहासोबत विदेशी गुंतवणुकीबाबत बंधनकारक करार केला आहे. या कराराअंतर्गत, टाटा पॉवरच्या अक्षय ऊर्जा उपकंपनीला ब्लॅकरॉक रिअल अॅसेट्सच्या नेतृत्वाखालील समूहाकडून 4,000 कोटी रुपयांची गुंतवणूक प्राप्त होईल.

या कंपन्यांकडून येणारी गुंतवणूक

टाटा पॉवरने बीएसईला सांगितले की, ब्लॅकरॉक व्यतिरिक्त, मुबादला इन्व्हेस्टमेंट कंपनी देखील गुंतवणूक करणाऱ्या विदेशी कंपन्यांच्या गटात सामील आहे. कंपनीने सांगितले की, ‘BlackRock Real Assets मुबादलाच्या सहकार्याने 4,000 कोटी रुपये (सुमारे $ 525 दशलक्ष) गुंतवणूक करणार आहे. ही गुंतवणूक टाटा पॉवर रिन्युएबल्समधील 10.53 टक्के स्टेकच्या बदल्यात असेल. या करारांतर्गत, टाटा पॉवर रिन्युएबल्सचे मूल्य 34,000 कोटी रुपये आहे.

चार दिवस शेअर बाजार बंद

या डीलनंतर सोमवारी शेअर बाजार उघडल्यावर टाटा पॉवरचा स्टॉक रॉकेट होईल, असे मानले जात आहे. शेअर बाजार आजपासून ते रविवार पर्यंत बंद असेल. दर आठवड्याला शेअर बाजार शनिवार आणि रविवारी बंद असतो. या आठवड्यात गुरुवारी महावीर जयंतीनिमित्त शेअर बाजारात कोणताही व्यवहार झाला नाही. यानंतर शुक्रवारी गुड फ्रायडेनिमित्तही बाजारपेठेत व्यवहार बंद राहणार आहेत. त्यामुळे आता सोमवारी थेट बाजार उघडेल आणि त्यानंतर टाटा पॉवरच्या शेअरमध्ये प्रचंड वाढ होऊ शकते.

टाटा पॉवरचे सीईओ यांनी केला आनंद व्यक्त

या गुंतवणुकीवर भाष्य करताना, टाटा पॉवर कंपनी लिमिटेडचे ​​सीईओ आणि व्यवस्थापकीय संचालक प्रवीर सिन्हा म्हणाले, “टाटा पॉवर रिन्यूएबल्स ही पुढच्या पिढीतील व्यवसायांचा विस्तृत आणि खोल पोर्टफोलिओ असलेला उद्योग नेता आहे. कंपनी गेल्या अनेक वर्षांपासून सातत्यपूर्ण कामगिरी करत आहे आणि झपाट्याने वाढू शकली आहे. मी BlackRock रिअल इस्टेट आणि मुबादलाचे स्वागत करण्यास उत्सुक आहे. ही संघटना आम्हाला येत्या दशकांतील रोमांचक संधींचा फायदा उठवण्यास मदत करेल.

न्यूज अनकट प्रतिनिधी: ईश्वर वाघमारे