मुंबई २१ जून २०२३: मुंबई महापालिकेच्या कामात भ्रष्टाचार झाल्याचा आरोप करत उद्धव ठाकरेंनी त्याविरोधात मोठा मोर्चा काढण्याची घोषणा केली. १ जुलै रोजी हा भव्य मोर्चा काढण्यात येणार असुन या मोर्चाचे नेतृत्व आदित्य ठाकरे करणार आहेत. त्याला उत्तर देताना मुख्यमंत्री एकनाथ शिंदे म्हणाले की, चोरट्यांनी तोंडातून चोरीची ओरड करणे शोभत नाही. कालच उपमुख्यमंत्री देवेंद्र फडणवीस यांनी भ्रष्टाचाराच्या चौकशीसाठी एसआयटी स्थापन करण्याबाबत बोलल्याचं म्हटलं होतं.
ठाकरे सरकारच्या काळात बीएमसीमध्ये साडेबारा हजार कोटींचा घोटाळा झाल्याचा आरोप फडणवीस यांनी केल्यानंतर उद्धव ठाकरे यांनीही शिंदे सरकारवर बीएमसीच्या पैशांचा गैरवापर केल्याचा आरोप केला. त्यांच्या कार्यकाळात बीएमसीच्या तिजोरीत ९२ हजार कोटी रुपये जमा झाल्याचे त्यांनी सांगितले. जलसंकट लक्षात घेऊन मुंबई कोस्टल रोड प्रकल्प आणि समुद्राचे पाणी पिण्यायोग्य बनवण्यासारख्या महत्त्वाच्या कामांमध्ये त्यांचा वापर केला जाणार होता.
शिंदे सरकार कुठेही, कोणत्याही प्रकारे त्याचा वापर करत असल्याचे उद्धव ठाकरे म्हणाले. आतापर्यंत सुमारे सातशे कोटी रुपये मुदत ठेवींमधून काढण्यात आले आहेत. हा मुंबईकरांचा पैसा कुठे वापरला जात आहे?
एकनाथ शिंदे म्हणाले की, कोविड काळात मुंबई महापालिकेच्या कारभारावर कॅगने प्रश्न उपस्थित केले होते त्या भ्रष्टाचाराच्या चौकशीसाठी एसआयटी स्थापन केल्यामुळे त्यांच्या पायाखालची जमीन सरकली आहे. गेल्या १५-२० वर्षांपासून त्यांनी मुंबई महापालिकेचा पैसा लुटला तो पैसा गेला कुठे, असा सवाल आता कॅग विचारणार आहे. त्यामुळे लक्ष वळवण्यासाठी विराट मोर्चा काढण्यात येत आहे. कॅगच्या प्रश्नावर एसआयटी स्थापन करण्यात आलीय. आता दूध का दूध आणि पानी का पानी होणार. ज्यांनी जनतेच्या पैशाचा दुरुपयोग केला असेल त्याला सोडले जाणार नाही.
न्यूज अनकट प्रतिनिधी- सूरज गायकवाड
