ठाण्यात भीषण अपघात, लिफ्ट कोसळल्याने ७ कामगारांचा मृत्यू तर एक जखमी

ठाणे, ११ सप्टेंबर २०२३ : महाराष्ट्रातील ठाण्यात एक मोठी दुर्घटना घडली आहे. येथे, बाळकुम परिसरात ४० मजली इमारतीची लिफ्ट कोसळून ७ जणांचा मृत्यू झाला तर एक जण जखमी झाला आहे. ठाणे महापालिकेने ही माहिती दिली.

प्राथमिक माहितीनुसार, बाळकुम येथील नारायणी शाळेच्या पुढे रुणवाल आयरीन इमारतीचे बांधकाम सुरू आहे. या इमारती ४० मजले आहेत. नुकत्याच पूर्ण झालेल्या या इमारतीच्या छतावर वॉटरप्रूफिंगचे काम सुरू होते. कामगार काम संपवून लिफ्टने खाली उतरत असताना लिफ्टची दोरी तुटली आणि अपघात झाला. घटनेनंतर इतर कर्मचारी तेथून जात असताना म्हणजेच दीड ते दोन तासानंतर ही घटना उघडकीस आली.

घटनेची माहिती मिळताच पोलीस, अग्निशमन दलाचे जवान आणि स्थानिक माजी नगरसेवक संजय भोईर यांनी घटनास्थळ गाठून मदतकार्य सुरू केले. स्टीमरमध्ये अडकलेल्या मजुरांची सुटका करण्यात आली. या अपघातात सात मजुरांचा मृत्यू झाला. एक मजूर जखमी झाला आहे. त्यांच्यावर खासगी रुग्णालयात उपचार सुरू आहेत. कामगारांची नावे अद्याप समजलेली नाहीत. अपघाताचे नेमके कारण अद्याप समजू शकलेले नाही. पोलीस अपघाताचा तपास करत आहेत.

न्यूज अनकट प्रतिनिधी : सूरज गायकवाड