बेळगावमध्ये शॉर्टसर्किटमुळे किराणा दुकानासह गॅरेजला आग

बेळगाव, २ मार्च २०२३ : शॉर्टसर्किटमुळे एका किराणा दुकानासह दुचाकी गॅरेज आगीच्या भक्ष्यस्थानी पडून हजारो रुपयांचे नुकसान झाल्याची घटना विजयनगर- तारिहाळ रोड, हलगा येथे काल मध्यरात्री घडली. विजयनगर येथील एका किराणा दुकानासह त्याच्या शेजारी असलेल्या दुचाकी गॅरेजला मोठी आग लागली आहे.

हा सर्व प्रकार आसपासच्या लोकांना समजेपर्यंत वाऱ्यामुळे आगीच्या भडाका उडून किराणा दुकानातील साहित्य जळून खाक झाले. त्याचप्रमाणे गॅरेजचे देखील बरेचसे नुकसान झाले. या दुर्घटनेची माहिती मिळताच अग्निशामक दलाने मध्यरात्री तीन वाजेच्या सुमारास घटनास्थळी दाखल होऊन आग आटोक्यात आणली; मात्र तोपर्यंत हजारो रुपयांचे नुकसान झाले होते, असे अग्निशामक दलाकडून सांगण्यात आले आहे.

‘न्यूज अनकट’ प्रतिनिधी : अमोल बारवकर