पुण्यात गोदामाला भीषण आग, परिसरात सगळीकडे धुरांचे लोट

पुणे १८ जून २०२३: पुण्यात गंगाधाम परिसरातील गोदामाला भीषण आग लागली आहे. या आगीने कमी वेळात रौद्र रूप धारण केले असून ही आग २० गोदामांपर्यत पसरण्याची भीती व्यक्त केली जात आहे. सकाळपासूनच ही आग भडकली असून आकाशात दूरवर धुराचे मोठे लोट दिसून येत आहे. घटनास्थळी अग्निशमन दलाच्या २२ गाड्या आग विझवण्यासाठी कार्यरत आहेत.

सकाळी साधारण नऊ वाजता या ठिकाणी आग लागल्याची माहिती समोर आली आहे. या आगीच्या भक्ष्यस्थानी सर्वप्रथम मंडपाच्या सामानाच गोदाम पडलं, नंतर ही आग आसपासच्या तीन गोदामांमध्येही पसरली. या आगीत कोणतीही जीवितहानी झाली नाही, असा प्राथमिक अंदाज व्यक्त करण्यात येत आहे. घटनास्थळी धूरांचे लोटच लोट पसरले आहेत.

न्युज अनकट प्रतिनिधी- अमोल बारवकर