नवी दिल्ली, 3 जून 2022: प्रियंका गांधी यांनाही कोविडची लागण झाली आहे. यापूर्वी काल काँग्रेस अध्यक्षा सोनिया गांधी कोरोना पॉझिटिव्ह असल्याची बातमी आली होती. काँग्रेस सरचिटणीस प्रियंका गांधी कालच लखनौहून दिल्लीला परतल्या होत्या. दोन दिवसीय नव संकल्प चिंतन शिबिरासाठी त्या लखनौला गेल्या होत्या.
प्रियांका गांधी यांनी ट्विट केले की, मला कोविडची लागण झाली आहे. माझ्यात कोरोनाची सौम्य लक्षणे आहेत. सर्व प्रोटोकॉल्सची काळजी घेत मी स्वतःला घरी क्वारंटाइन केले आहे.
गुरुवारी सोनिया गांधी यांना कोरोनाची लागण झाली. काँग्रेसचे प्रवक्ते रणदीप सुरजेवाला यांनी ही माहिती दिली. रणदीप सुरजेवाला यांनी असेही म्हटले होते की, यापूर्वी सोनिया गांधी ज्या नेत्यांना आणि कार्यकर्त्यांना भेटल्या होत्या त्यापैकी अनेकांनाही कोरोनाची लागण झाली आहे. सुरजेवाला यांच्या म्हणण्यानुसार, सोनिया गांधींना बुधवारी संध्याकाळी सौम्य ताप आला होता, त्यानंतर त्या कोविड चाचणीत पॉझिटिव्ह आल्या होत्या.
सुरजेवाला म्हणाले होते की, सोनिया गांधींनी स्वतःला क्वारंटाईन केले आहे. 8 जूनपूर्वी सोनिया बऱ्या होतील, अशी आशा सुरजेवाला यांनी व्यक्त केली. त्या दिवशी सोनियांना नॅशनल हेराल्ड प्रकरणाशी संबंधित चौकशीसाठी ईडी कार्यालयात जावे लागेल.
न्यूज अनकट प्रतिनिधी: ईश्वर वाघमारे
