टीकटॉक नंतर आता पबजी मोबाईलवर येऊ शकते कायमस्वरूपी बंदी

नवी दिल्ली, २८ जानेवारी २०२१: भारत पबजी मोबाईलवर कायमची बंदी घालू शकतो. ज्यामुळे भारतातील या बॅटल रॉयल गेम ला प्रवेश मिळण्यासाठी अडचणी येणार आहेत. मिनिस्ट्री ऑफ इलेक्ट्रॉनिक्स अँडइन्फॉर्मेशन टेक्नॉलॉजी (मेईटीवाय) ने पबजी कॉर्पोरेशन सहित अन्य अनेक कंपण्यांना पर्मनंट बॅन नोटीस या आठवड्याच्या सुरवातीस जारी केली आहे. या नंतर आता यावरील कायमस्वरूपी बंदी मागे होणार असल्याचे कोणतेही संकेत दिसत नाहीत. यामुळे आता पुढील काळात भारतात पबजी मोबाइलची एंट्री कठीण झाली आहे.

आयजीएन इंडियाने दिलेल्या वृत्तानुसार, पबजी मोबाइलबद्दल असे म्हटले आहे की, ही गेम भारतात परतणे कठीण आहे. पबजी बॅटलग्राऊंड गेमच्या मोबाइल आवृत्तीवर जी बंदी घातली होती ती मागे घालण्याची सरकारची कोणतीही योजना नाही.

अहवालात असे म्हटले आहे की या कंपनीच्या डेव्हलपर आणि अधिकाऱ्यांमध्ये बदल झाले असले तरी ही गेम चीनमध्ये आधारित आहे. त्याच वेळी, अन्य स्त्रोतांच्या मते, पबजी कॉर्पोरेशनकडे अद्याप सरकारशी बोलण्यासाठी योग्य टीम नाही. या स्रोताने अशी आशा व्यक्त केली आहे की पबजी कॉर्पोरेशन आणि भारत सरकार यांच्यात मार्च किंवा एप्रिलपर्यंत बोलणी सुरू होऊ शकतात. ज्यासह भारतीय ई-स्पोर्ट्स संघ वर्षाच्या पुढच्या सहामाहीत आंतरराष्ट्रीय स्पर्धेत भाग घेऊ शकेल.

हे लक्षात घेण्यासारखे आहे की पबजी कॉर्पोरेशनने म्हटले आहे की, ते पबजी मोबाइलला नवीन आवृत्तीत परत भारतात आणत आहे, ज्याचे नाव पबजी मोबाइल इंडिया असेल. परंतु गेल्या वर्षी अनेक अहवालात असे म्हटले गेले होते की, सरकार पबजी परत येण्याबाबत पबजी कॉर्पोरेशनशी बोलणी करण्यास तयार नाही.

यापूर्वी पबजी कॉर्पोरेशनने बंगळूरमध्ये कॉर्पोरेट व्यवहार मंत्रालयाकडे पबजी मोबाइल इंडियाची नोंदणी केली होती. नंतर दोन वेगवेगळ्या माहिती अधिकारांना उत्तर देताना आयटी मंत्रालयाने गेम परत येण्यास नकार दिला. आयटी मंत्रालयाने म्हटले आहे की ते कोणतीही वेबसाइट, मोबाइल अॅप किंवा सेवा सुरू करण्यास परवानगी देत ​​नाही. यामुळे पबजी मोबाइलला देखील परवानगी नव्हती.

न्यूज अनकट प्रतिनिधी: ईश्वर वाघमारे